ខេត្តសៀមរាប ÷ នៅថ្ងៃទី ៣០ ខែសីហា ឆ្នាំ ២០២១ នេះ មានសេចក្តីរាយការណ៍មកថា មានអេស្កា ចំនួន ១ គ្រឿង បានចូលទៅកាយយកអាចម៌ដីក្នុងដែនអភិរក្សសត្វព្រៃបឹងពែរ ដោយខុសច្បាប់ នៅខាងក្រោយស្នាក់ការបរិស្ថានស្រោង ឋិតក្នុងភូមិស្រោង ឃុំ ខ្វាវ ស្រុកជីក្រែង ខេត្តសៀមរាប ។ ដោយយោងតាមប្រភពពីប្រជាពលរដ្ឋបានលួចបង្ហើបឲ្យដឹងថា អេស្កាវ៉ាទ័រ ដែលចូលកាយ យកអាចម៌ដី ក្នុងដែនអភិរក្សសត្វព្រៃ បឹងពែរ ដោយរលូនបែបនេះ ព្រោះតែមានការបើកដៃពីមន្រ្តីជំនាញបរិស្ថាន នៅទីនោះ និង មានការបើកដៃពីលោក ពៅ ជុំ ប្រធានបរិស្ថានស្រុកជីក្រែង ទើបមិនមានអ្នកណា ហ៊ានចេញមុខ ទៅបង្រ្កាបនោះទេ ។ តាមប្រភពបន្ថែមថា គ្រឿងចក្រ ដែលចូលកាយយកអាចម៌ដី ក្នុងដែនអភិរក្សសត្វព្រៃបឹងពែរនោះ គឺជា គ្រឿងចក្ររបស់កងវិស្វកម្មរបស់លោកឧត្តមសេនីយ៍ ង៉ែត នរិន្រ្ទ សមាជិកគណៈកម្មការថ្នាក់កណ្តាល និង ជាប្រធានក្រុមការងារគណ:បក្សប្រជាជនកម្ពុជា ចុះជួយ ស្រុកជីក្រែង គឺយកទៅ ស្ថាបនាផ្លូវ" តែប៉ុណ្ណោះ ។ ដោយយោងតាមមន្រ្តីជំនាញមួយចំនួនតូច ក្នុងស្រុកជីក្រែង គឺបានលួចបង្ហើបឲ្យដឹងថា នេះជាសកម្មភាព "កន្ទេលធំ បន្លំដេក" ព្រោះគ្មានច្បាប់អនុញាតចេញពីក្រសួង ឬ អនុក្រឹត្យពី រាជរដ្ឋាភិបាលកម្ពុជា ឡើយ ។ ហើយម្យ៉ាងវិញទៀត រាល់ការជួសជុល ឬ ស្ថាបនាផ្លូវ គឺរដ្ឋជាអ្នក ចេញ ថវិការ ទាំងស្រុង បន្ទាប់មក ក្រុមហ៊ុន នោះទៅទិញដី មកពីណា ក៏ទិញទៅ មិនមែន ទៅ កាយយក ដីរដ្ឋ មកស្ថាបនា នោះទេ ។ ក្នុងនោះមហាជន លើកឡើងថា ការស្ថាបនា ផ្លូវ គឺរដ្ឋជាអ្នកចេញថវិការ ចុះទៅកាយយកដីរដ្ឋមកស្ថាបនាផ្លូវ ចឹងថវិការរដ្ឋទាំងនោះ យកទៅណា ?មន្រ្តីជំនាញ មួយចំនួន ដែលអត់បានលិឍ បានបន្ថែមថា បើសិន បុគ្គល ឬ ក្រុមហ៊ុនណាមួយ ចង់កាយដីរដ្ឋ ឬ កាយអាចម៌ដី ក្នុងដែនអភិរក្សសត្វព្រៃ បឹងពែរ ឬ ដីដែលការពារដោយរដ្ឋ លុះត្រាតែ មានអនុក្រិត្យ ចេញពីថ្នាក់លើ ទើបអាចចូល កាយយកអាចម៌ដី ក្នុងតំបន់ការពារ ដោយ រដ្ឋ បាន ។ ជុំវិញបញ្ហានេះ នៅថ្ងៃទី ៣០ ខែសីហា ឆ្នាំ ២០២១ នេះ លោកឧត្តមសេនីយ៍ ង៉ែត នរិន្រ្ទ សមាជិកគណៈកម្មការកណ្តាល និង ជាប្រធានក្រុមការងារគណ:បក្សប្រជាជនកម្ពុជា ចុះជួយស្រុកជីក្រែង សារព័ត៌មាន យើង មិន អាចស្វែងរកការបំភ្លឺបានទេ ដោយសារ គ្មានលេខទំនាក់ទំនង។ ដោយឡែកលោក ពៅ ជុំ ប្រធានបរិស្ថាន ស្រុកជីក្រែង បានឲ្យដឹងថា ការកាយ យកអាចម៌ដី ក្នុងដែនអភិរក្សសត្វព្រៃបឹងពែរ គឺគេមានច្បាប់ត្រឹមត្រូវ ចេញពីក្រសួង តែលោក មិនសូវដឹងទេរឿងនេះ ឲ្យសួរទៅអភិបាលស្រុក និងថ្នាក់លើទៅ ។ រីឯលោក ពៅ ប៊ុនធឿន អភិបាល ស្រុកជីក្រែង មិនអាចសុំបំភ្លឺបានទេ ដោយសារ ក្រុមការ TV បានខលទៅលោកអភិបាលស្រុក ចូលជាច្រើនដង បែរជាលោកមិនទទួល ។ដោយឡែកលោក ស៊ុន គង់ ប្រធានមន្ទីរបរិស្ថាន ខេត្តសៀមរាប បានប្រាប់តាមទូរស័ព្ទឲ្យដឹងថា ករណីនេះលោកមិនដឹងទេ ចាំអោយកូនចៅ ទៅមើល ។ បន្ទាប់មកប្រហែលជិតមួយម៉ោង ក្រោយមក សារព័ត៌មានយើងបាន បានខលទៅលោក ស៊ុន គង់ ម្តងទៀត បែរជាលោក ឆ្លើយថា យី...ម៉េចមិនសួរទៅកូនចៅទៅ ព្រោះលោកមិនបាននៅកន្លែងកើតហេតុផង លោកម៉េចដឹង ។ចំពោះបញ្ហានេះកាយដីក្នុងតំបន់អភិរក្សជំរកសត្វព្រៃបឹងពេរ តើមានអាថ៌កំបាំងឬក៏មានការឃុបឃឹតយ៉ាងណាបានជាមន្ត្រីជំនាញ រុញមួយដាក់មួយទៅវិញ ចំពោះប្រជាពលរដ្ឋដែលសាងសង់ខ្ទុមឬក៏ជីករណ្ដៅ មិនបាននោះទេ មន្ត្រីបរិស្ថាន ចុះទៅរឹបអូសនិងចាប់យករបស់របរមិនឲ្យធ្វើអ្វីឡើយ។ជុំវិញករណីខាងលើប្រជាពលរដ្ឋសុំសំណូមពរដល់ឯកឧត្តមសាយ សំអាល រដ្ឋមន្ត្រីក្រសួងបរិស្ថាន សូមឯកឧត្តមមេត្តាពិនិត្យទៅលើសកម្មភាពរបស់ក្រុមគ្រឿងចក្រជីកយកអាចម៍ដីលក់ ហើយពិនិត្យទៅលើ ក្រុមមន្ត្រីបរិស្ថាននៅទីនោះផងទាន ដើម្បីជៀសវាងមហាជនរិះគន់ថា មន្ត្រីបរិស្ថានពុករលួយឃុបឃិតគ្នាយកទីតាំងដែលជារបស់រដ្ឋ ធ្វើអាជីវកម្មចែកលុយគ្នាធ្វើមានធ្វើបាន៕
ព័ត៌មានគួរចាប់អារម្មណ៍
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)
ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)
ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)
វីដែអូ
ចំនួនអ្នកទស្សនា