ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យបានអញ្ជើញចុះសំណេះសំណាលនិងសួរសុខទុក្ខដល់កងកម្លាំងទាំងបីប្រភេទ ដែលប្រចាំបញ្ជាក្នុងការបិទខ្ទប់នៅក្នុងចំណុចក្បាលស្ពានតាប៉ុនក្នុងស្រុកព្រះនេត្រព្រះ
ខេត្តបន្ទាយមានជ័យ ៖ នារសៀលថ្ងៃទី ៤ ខែសីហា ឆ្នាំ២០២១ ឯកឧត្ដមអុំ រាត្រី អភិបាលនៃគណៈអភិបាលខេត្តបន្ទាយមានជ័យបាននាំយកអំណោយរបស់រដ្ឋបាលខេត្តដើម្បីចែកជូនដល់កងកម្លាំងទាំងបីប្រភេទ ដែលឈរជើងប្រចាំបទបញ្ជាក្នុងការបិទខ្ទប់នៅក្នុងភូមិសាស្ត្រក្បាលស្ពានតាប៉ុន ដែលស្ថិតនៅក្នុង ឃុំទឹកជោរ ស្រុកព្រះនេត្រព្រះ ខេត្តបន្ទាយមានជ័យ និងបានសំណេះសំណាល និងផ្តល់អំណោយឧបត្ថម្ភ របស់រដ្ឋបាលខេត្ត ចែកជូនដល់កងកម្លាំងទាំង ៣ ប្រភេទរួម នគរបាល អាវុធហត្ថ យោធា អំណោយផ្តល់ជូន កងកម្លាំងទាំងបីប្រភេទរួមមានអង្ករ ១០០ គីឡូក្រាម ,មី ៦ កេសតូច ,ទឹកសុីអុីវ១០យួរ ,ទឹកត្រី១០យួរ, ត្រីខ ១០ដុំ, ស្ករស ៤គីឡូក្រាម ,ប៊ីចេង ២គីឡូក្រា ម និងខ្ទឹម ៤គីឡូក្រាម ដើម្បីផ្ដល់ជូនដល់កងកម្លាំងទាំងបីប្រភេទ។
ក្នុងនោះផងដែរ ឯកឧត្តមអភិបាល ក៏បានផ្ដាំផ្ញើដល់កងកម្លាំងទាំងបីប្រភេទ ដែលបាននឹងកំពុងបំពេញបេសកកម្ម សូមចូលរួមធ្វើអនាម័យឲ្យបានគ្រប់ៗគ្នា ត្រូវចូលរួមអនុវត្តឲ្យបានម៉ឺងម៉ាត់ ៣ ការពារ និង៣កុំ តាមអនុសាសន៍របស់ប្រមុខរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ ក្នុងនោះមាន ៣ការពារ និង៣កុំ ហើយក៏ជូនពរដល់កងកម្លាំងទាំងអស់ប្រកបដោយសុខភាពល្អ ជោគជ័យគ្រប់បេសកម្មការងារជូនជាតិ និងប្រជាជន ជៀសឆ្ងាយពីជំងឺកូវីដ ១៩ ទាំងអស់គ្នា ៕
