សមត្ថកិច្ចចាប់ឃាត់ខ្លួនយុវជនប្រុសស្រីចំនួន1 3 នាក់នៅក្នុងការជួបជុំផឹកស៊ីកម្មវិធីខួបកំណើត
(ភ្នំពេញ)៖ កម្លាំងអាជ្ញាធរខណ្ឌពោធិ៍សែនជ័យ បានចុះបង្ក្រាបនិងចាប់មនុស្សប្រុសស្រីចំនួន១៣នាក់ដែលប្រមូលផ្តុំគ្នាផឹកស៊ីបំពានបម្រាមគោចរ។
ករណីនេះបានធ្វើឡើងនៅហាងយីហោ «នីសា កែវព្រិល » តាមបណ្តោយវិថីទំនប់កប់ស្រូវ ក្នុងភូមិត្រពាំងទា ខណ្ឌពោធិ៍សែនជ័យ កាលពីវេលាម៉ោងជាង១០យប់ ថ្ងៃទី៤ ខែសីហា ឆ្នាំ២០២១។
ទីតាំងខាងលើបានបង្កើតកម្មវិធីខួបកំណើតនិងជួបជុំផឹកស៊ីតាំងពីក្បាលព្រលប់រហូតដល់ម៉ោងបម្រាមគោចរនៅតែបន្តមិនឈប់ទៀត។
រហូតមកដល់វេលាកើតហេតុកម្លាំងសមត្ថកិច្ចបានចុះចាប់ខ្លួនមនុស្សប្រុសស្រីចំនួន១៣នាក់។
ក្រោយពីការបង្ក្រាបអាជ្ញាធរបានទាក់ទងទៅក្រុមគ្រូពេទ្យដើម្បីចុះមកយកសំណាកជនទាំងអស់នោះអវិជ្ជមានទាំងអស់គ្នា។
បន្ទាប់មកសមត្ថកិច្ចបាននាំខ្លួនបុរសម្នាក់ជាថៅកែហាងទៅកាន់ស្នងការដ្ឋាននគរបាលរាជធានីដើម្បីចាត់ការតាមច្បាប់៕
