តាកែវ៖ ព្រឹកថ្ងៃអង្គារ ទី០៧ ខែកញ្ញា ឆ្នាំ២០២១ ឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ អញ្ជើញចុះជួបសំណេះសំណាលសួរសុខទុក្ខនិងពិនិត្យការយកសំណាកបងប្អូនប្រជាពលរដ្ឋ និងត្រួតពិនិត្យកងកម្លាំងនគរបាល ដែលកំពុងឈរជើងប្រចាំបញ្ជា ក្នុងតំបន់បិទខ្ទប់ផ្សារត្រាំកក់ក្នុងស្រុកត្រាំកក់ ដែលក្រុមគ្រូពេទ្យរកឃើញមានអ្នកផ្ទុកជំងឺកូវីដ-១៩ ដែលជាប់ពាក់ព័ន្ធនិងព្រឹត្តិការណ៍សហគមន៍២០ ខែកុម្ភៈ ឆ្នាំ២០២១ កន្លងទៅ លើអាជីវករលក់ដូរ និងប្រជាពលរដ្ឋជុំវិញផ្សារត្រាំកក់ចំនួន ៥០០ នាក់ ហើយបានតេស្តរកឃើញ អ្នកវិជ្ជមានកូវីដ-១៩ចំនួន ១០៣នាក់ ។ហើយនៅថ្ងៃទី៧កញ្ញានេះផងដែរ ក្រុមគ្រូពេទ្យកំពុងបន្តយកវត្ថុសំណាកបន្ថែមទៀត ទៅលើប្រជាពលរដ្ឋ)ស្ថិតនៅផ្សារត្រាំកក់ ក្នុងភូមិត្រពាំងរំពាក់ ឃុំត្រាំកក់ ស្រុកត្រាំកក់ ខេត្តតាកែវ"។នាឱកាសនោះផងដែរឯកឧត្តម ឧត្តមសេនីយ៍ទោ ស្នងការ ក៏បានពាំនាំនូវប្រសាសន៍ ផ្តាំផ្ញើសាកសួរសុខទុក្ខ ពីសំណាក់ឯកឧត្តម កិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តតាកែវ និងឯកឧត្តម អ៊ូច ភា អភិបាលខេត្តតាកែវ និងជាប្រធានគណៈបញ្ជាការឯកភាពរដ្ឋបាលខេត្ត មកជម្រាបជូនបងប្អូនប្រជាពលរដ្ឋ ពីរការយកចិត្តទុកដាក់នូវសុខទុក្ខរបស់បងប្អូនពលរដ្ឋ នៅគ្រប់ទីកន្លែង ។ជាមួយគ្នាផងដែរ ឯកឧត្តម ឧត្តមសេនីយ៍ទោស្នងការ ក៏បាននាំយកសម្ភារៈឧបត្ថម្ភមួយចំនួនរបស់ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ចែកជូនដល់កងកម្លាំងប្រដាប់អាវុធទាំងបី ដែលកំពុងឈរជើងប្រចាំការនៅតំបន់បិទខ្ទប់ជុំវិញផ្សារត្រាំកក់ ដោយក្នុងរួមមាន៖ មីចំនួន ៤០កេស ទឹកសុទ្ធចំនួន ១៥កេស ម៉ាស់ចំនួន ៣០ប្រអប់ អាល់កុល ៦០លីត្រ ទុកសម្រាប់ធ្វើការបែងចែកប្រើប្រាស់ប្រចាំថ្ងៃ។ ឆ្លៀតក្នុងឱកាសនោះឯកឧត្តម ឧត្តមសេនីយ៍ទោ ស្នងការ ក៏បានធ្វើការណែនាំ ផ្តាំផ្ញើនិងជម្រុញដល់កម្លាំងឈរជើងប្រចាំការ ក៏ដូចជាអាជ្ញាធរមូលដ្ឋានពាក់ព័ន្ធ និងប្រជាពលរដ្ឋដែលកំពុងធ្វើចត្តាឡីស័កនៅតាមផ្ទះបង្កើនការប្រុងប្រយ័ត្នឲ្យខ្ពស់ចំពោះជំងឺកូវីដ-១៩ និងកូវីដ១៩ បំលែងខ្លួនថ្មី(Delta)ដោយត្រូវអនុវត្តលាងដៃជាមួយអាល់កុល ឬពាក់ម៉ាស់ឲ្យបានគ្រប់ៗគ្នា ដើម្បីចូលរួមបង្ការទប់ស្កាត់ការរីករាលដាល នៃជំងឺកូវីដ១៩ ជាពិសេសត្រូវចូលរួមអនុវត្តន៍តាមវិធានការក្រសួងសុខាភិបាល នឹងអនុសាសន៍ណែនាំដ៏ខ្ពង់ខ្ពស់របស់ប្រមុខរាជរដ្ឋាភិបាលរបស់យើង នូវវិធានការ ការពារ(៣កុំ និង៣ការពារ ឲ្យបានខ្ជាប់ខ្ជួន ត្រឹមត្រូវ ៕
ព័ត៌មានគួរចាប់អារម្មណ៍
រដ្ឋមន្ត្រីការពារជាតិអ៊ីស្រាអែល ៖ អ៊ីស្រាអែលបានឈានដល់ដំណាក់កាលមិនអាចត្រឡប់ថយក្រោយវិញហើយ! (រស្មីសៀមរាប /RSRNEWs)
អ៊ីរ៉ង់ គំរាមវាយប្រហារមូលដ្ឋានទ័ពអាម៉េរិកក្នុងតំបន់មជ្ឈិមបូព៌ា ប្រសិនបើសហរដ្ឋអាម៉េរិកបង្កជម្លោះយោធា (សម្របសម្រួលដោយ ៖ រស្មីសៀមរាប / RSRNews)
សម្តេចនវរធិបតី ហ៊ុន ម៉ាណែត និងលោកជំទាវបណ្ឌិត អញ្ជើញមកដល់មាតុប្រទេសវិញ ក្រោយពីបានចូលរួមសន្និសីទអង្គការសហប្រជាជាតិ ស្តីពីមហាសមុទ្រ លើកទី៣ (UNOC3) នៅបារាំង (រស្មីសៀមរាប /RSR News)
#ដល់រដូវកាលហើយ !ល្បែងសុីសងខុសច្បាប់ «ភ្នាល់ទឹកភ្លៀង» នៅចំកណ្តាលក្រុងភ្នំពេញ ឃើញថា ចាប់ផ្តើមបើកដំណើរលេងទៀតហើយ" (@រស្មីសៀមរាប)
លោកយឹង សារ៉ាត់ ប្តឹងឈ្មោះ ស៊ូ វណ្ណា ទៅតុលាការសាលាដំបូងខេត្តបន្ទាយមានជ័យ ចោទពីបទញុះញង់ឲ្យមានការរើសអើង ប្រព្រឹត្តិតាមបណ្តាញសង្គមហ្វេសប៊ុក ឈ្មោះ Sou Vanna (vanna.lungkler.5) កាលពីថ្ងៃទី១១ ខែកុម្ភៈ ឆ្នាំ២០២៥ និងថ្ងៃទី១៤ ខែកុម្ភះ ឆ្នាំ២០២៥ ។ នេះបើតាមពាក្យបណ្តឹងដែលសារព័ត៌មានខ្មែរជាយដែនទើបទទួលបាន។ (@រស្មីសៀមរាប)
វីដែអូ
ចំនួនអ្នកទស្សនា