តើលោក គុណ ញឹម អគ្គនាយកនៃអគ្គនាយកដ្ឋាននិងរដ្ឋាករគូមានវិធានការបែបណាដើម្បីទប់ស្កាត់នូវអំពើពុករលួយរបស់មន្ត្រីគយតាមបែបត្រូលជជុះនៅច្រកដូនរ័ត្នក្នុងស្រុកមេមត់?
ខេត្តត្បូងឃ្មុំ-ក្រុមឈ្មួញនិងអាជីវករ ដែលរកសីុដឹកជ័រកៅស៊ូ ត្រី ផ្លែដូង ទុរេន សត្វមាន់ និងឥវ៉ាន់ចាប់ហួយ ។ល។.តាមច្រកតំបន់ដូនរ័ត្ន បានត្អូញត្អែរប្រាប់អោយ គេហទំព័រត្បូងឃ្មុំញូស៌ដឹងថា-សព្វថ្ងៃនេះ នៅតាមផ្លូវចូលទៅច្រកដូនរ័ត្ន ចាប់ពីចំណុចផ្លូវជាតិលេខ៧អា ចូលតាមផ្លូវ វត្តតាសូត្រ ដល់ព្រំដែន កម្ពុជា វៀតណាម ច្រកតំបន់ដូនរ័ត្ន មានប៉ុស្តិ៍ជជុះជាច្រើនកន្លែង ជាពិសេស របស់មន្រ្តីគយចាំគាបយកលុយពីពួកគាត់តាមអំពើចិត្តយ៉ាងចាស់ៗដៃមិនខ្វល់និងការតវ៉ារបស់ពួកគាត់ឡើយ។ ចំណែកមេគយធំៗនៅក្នុងខេត្តត្បូងឃ្មុំ បានពង្រាយកូនចៅនិងបណ្តែតបណ្តោយឲ្យក្រុមគយតាមប៉ុស្តិ៍ជជុះ ចូលទៅច្រកដូនរ័ត្ន ប្រព្រឹត្តអំពើពុករលួយពេញទំហឹង មិនខ្វល់ពីការរិះគន់អ្វី?ទាំងអស់ .គឹតតែរឿងផលប្រយោជន៍ផ្ទាល់ខ្លួនតែប៉ុណ្ណោះ។
#ក្រុមអាជីវករដែលរកសីុតាមច្រកដូនរ័តន៌ ស្រុកមេមត់ ខេត្តត្បូងឃ្មុំ បានអំពាវនាវឲ្យលោក គុណ ញឹម អគ្គនាយកគយរដ្ឋាករ និងលោក ជាម ច័ន្ទសោភ័ណ អភិបាលខេត្តត្បូងឃ្មុំ សូមលោកមាន វិធានការទប់ស្កាត់អំពើពុករលួយរបស់មន្រ្តីគយតាមកុងត្រួលជជុះច្រើនកន្លែងនៅផ្លូវទៅច្រកដូនរ័ត្ន ជាបន្ទាន់ផងទាន។ ....
ក្រុមឈ្មួញនិងអាជីវករដឹកជញ្ជូនទំនិញចេញចូលតាមច្រកដូនរ័ត្ន បានឲ្យដឹងទៀតថា ប៉ុស្តិ៍ជជុះទី១ របស់គយខេត្តត្បូងឃ្មុំ គឺនៅភូមិចំបក់ ឃុំរូង ស្រុកមេមត់ ហើយប៉ុស្តិ៍នោះនៅក្នុងផ្ទះថ្ម គ្មានដាក់សញ្ញាសម្គាល់ស្ថាប័នគយឡើយគ្រាន់តែតំរៀបក្បាលឡានចាំដេញស្ទាក់ រថយន្តនិងរឺម៉កម៉ូតូ បើសិនអាជីវករណាមិនបានបង់លុយតាមកំណត់របស់ពួកគេ។ អ្នកប្រមូលលុយនៅប៉ុស្តិ៍ទាំងនោះភាគច្រើនជាក្មេងៗមិនមានស្លៀកពាក់ឯកសណ្ឋានសំគាល់ជាមន្ត្រីគយទេគឺស្លៀកពាក់ខោអាវស៊ីវិលធម្មតាពាក់ស្បែកជើងផ្ទាត់ មិនសមជាមន្រ្តីគយនោះទេ។ ពួកគេទាំងនោះតែងតែប្រើពាក្យសំដីមិនសមរម្យដើម្បីគាបយកលុយពីឈ្មួញនិងអាជីវករដឹកជញ្ជូនទំនិញចេញចូលតាមច្រកដូនរ័ត្ន ដោយគ្មានចេញបង្កាន់ដៃបង់ប្រាក់ឬវិក្កយបត្រត្រឹមត្រូវឡើយ។
#ប៉ុស្តិ៍ជជុះទី២ របស់គយចល័តខេត្តត្បូងឃ្មុំ ឬគយផ្ទៃប្រទេសតំបន់៦ ដែលគ្រប់គ្រងដោយ លោក ព្រាបគារ៉ាត់.ហៅគយសិទ្ធ គឺនៅចំណុចភូមិសូទៃ ឃុំរូង ស្រុកមេមត់ ហើយគេយកសមត្ថកិច្ចអាវុធហត្ថនិងសមត្ថកិច្ចនគរបាលមកសហការគ្នាទៀតផងដែរ ដោយមានដាក់រនាំងដែកដើម្បីស្ទាក់គាបយកលុយពីក្រុមឈ្មួញនិងអាជីវករស្រេចតែអំពើចិត្ត។ ប៉ុស្តិ៍ទី៣ គឺប៉ុស្តិ៍គយនៅច្រកព្រំដែនដែលមានស្នាក់ការត្រឹមត្រូវនិងដាក់សញ្ញាសម្គាល់ច្បាស់លាស់ដើម្បីឲ្យឈ្មួញនិងអាជីវករបង់លុយតាមការកំណត់។ បញ្ហាទាំងនេះគឺជារឿងដែលលោក គុណ ញឹម អគ្គនាយកគយរដ្ឋាករ គួរពិនិត្យឡើងវិញជាបន្ទាន់ព្រោះក្រុមគយនៅប៉ុស្តិ៍ជជុះទី១ និងទី២ ប្រព្រឹត្តអំពើពុករលួយយ៉ាងពេញទំហឹង។ ចំណែកមន្រ្តីគយនៅប៉ុស្តិ៍ច្រកព្រំដែនបានកំណត់ឲ្យឈ្មួញនិងអាជីវករបង់លុយតាមការកំណត់។និងមិនការកាបសង្កត់នោះទេ។ពាក់ព័ន្ធនឹងការលើកឡើងរបស់បងប្អូនប្រជាពលរដ្ឋដែលជាអាជីវករ ខាងលើនេះអង្គភាពសារព័ត៌មានយើងខ្ញុំ.មិនអាចស្វែងរកការបំភ្លឺណាមួយបានទេ ចំពោះ មន្ត្រីគយ ខេត្តត្បូងឃ្មុំ និងមន្ត្រីគយចល័តឬគយ ក្នុងតំបន់ភូមិភាគ ៦ដែលឈរជើងក្នុងតំបន់ច្រកដូនរ័ត្នបានទេ ដោយគ្មានលេខទូរស័ព្ទទំនាក់ទំនង។
