ថ្ងៃព្រហស្បតិ៍ ទី០១ ខែធ្នូ ឆ្នាំ២០២២
គេហទំព័រ រស្មីសៀមរាប ផ្សព្វផ្សាយព័ត៌មានពិតជូនលោកអ្នក!
លោកហង្ស វណ្ណ ប្រធានកា.រិ គយច្រកព្រំដែនបន្ទាយចក្រីនិងបក្សពួកបើកដៃអោយឈ្មួញនាំទំនិញគេចពន្ធទំនិញបង់ពន្ធមិនគ្រប់ដោយរលូនលោកអគ្គនាយកគុណ ញឹមរក្សាភាពស្ងៀមស្ងាត់
Tue,18 October 2022 (Time 09:35 AM)
ដោយ ៖ ស្មីសៀមរាប 090567006 (ចំនួនអ្នកអាន: 75នាក់)

#ប្រភពពីរក្រុមឈ្មួញ និងអាជីវករដែលដឹកជញ្ជូនទំនិញពីស្រុកយួនតាមច្រកទ្វារព្រំដែនបុសមន ឆ្លងកាត់ភូមិព្រៃខ្លា​ ឃុំកំពង់សឹង ស្រុកព្រះស្តេច​ ខេត្តព្រៃវែង បានឲ្យដឹងថា បើទោះបីពួកគាត់ដឹកជញ្ជូនទំនិញបង់ពន្ធនាំចូលគ្រប់ចំនួន ក៏ចៀសមិនផុតពីការបង់លុយក្រោមតុលើតុតាមការកំណត់របស់បុគ្គល ហង់ វណ្ណ ទៅតាមការបញ្ជារបស់មេសាខាគយខេត្តព្រៃវែងឈ្មោះ មួង ដារ៉ា​ នេះផងដែរ។

សព្វថ្ងៃនេះមានទាំងឈ្មួញតូចធំដែលដឹកទំនិញបង់ពន្ធ មិនគ្រប់ឆ្លងកាត់ខេត្តព្រៃវែង តាមបណ្តោយផ្លូវជាតិលេខ១ ចូលរាជធានីភ្នំពេញ គឺជាប្រភពចំណូលដ៏សំខាន់របស់បុគ្គល ហង្ស វណ្ណ និង មួង ដារ៉ា ដែលកំពង់ប្រព្រឹត្តអំពើពុករលួយទាំងយប់ទាំងថ្ងៃដោយកំណត់ឲ្យមានការបង់លុយលើតុក្រោមតុ និងកំណត់បង់ក្បាលឡាន និងថ្លៃបាយទៅតាមតែទំនើងចិត្តរបស់ពួកគេជាប្រចាំ។

ប្រភពព័ត៌មានពីភ្នាក់ងារគយនៅសាខាគយខេត្តព្រៃវែង បានឲ្យដឹងថា សព្វថ្ងៃនេះមានទំនិញហូរចូលតាមច្រកព្រំដែនបន្ទាយចក្រី ក្នុងស្រុកព្រះស្តេចដែលមានបុគ្គលឈ្មោះ ហង្ស វណ្ណ ប្រធានការិយាល័យគយច្រកព្រំដែននេះ បានបើកដៃឲ្យឈ្មួញនាំទំនិញចូលទាំងយប់ទាំងថ្ងៃដោយទំនិញដែលនាំចូលតាមព្រំដែនបន្ទាយចក្រី មានទាំងទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងពេញបន្ទុក។

ទាំងអស់នេះគឺមានការឃុបឃិតពីសំណាក់មេសាខាគយខេត្តព្រៃវែងឈ្មោះ មួង ដារា ទើបបុគ្គល ហង្ស វណ្ណ ហ៊ានប្រព្រឹត្តនូវទង្វើនេះស្រេចតែអំពើចិត្ត និងតាមការបញ្ជារបស់មេសាខាខេត្តរបស់ខ្លួន។

តាមការត្អូញត្អែរបស់ឈ្មួញទាំងតូចទាំងធំ និងអាជីវករ អ្នករកស៊ីដឹកទំនិញពីស្រុកយួន ឆ្លងកាត់តាមសាខាគយខេត្តព្រៃវែងបានឲ្យដឹងថា ពួកគាត់មិនចង់រកស៊ីនាំទំនិញគេចពន្ធ និងបង់ពន្ធ មិនគ្រប់ដូចសព្វថ្ងៃនេះទេ ក៏ប៉ុន្តែចៀសមិនផុតពីការចាប់បង្ខំរបស់សមត្ថកិច្ចគយ និងសមត្ថកិច្ចផ្សេងៗទៀតដែលពាក់ព័ន្ធតាមច្រកទ្វារ និងផ្លូវដែលពួកគាត់ដឹកទំនិញឆ្លងកាត់។

គឺក្រុមសមត្ថកិច្ចជំនាញ់ពន្ធទាំងអស់នេះ បង្ខំឲ្យពួកគាត់ត្រូវតែធ្វើរបៀបនេះ បើមិនធ្វើតាមពួកគេទេ ទំនិញរបស់គាត់ត្រូវការយឿតយ៉ាវ កក់ស្ទុះ មិនអាចដឹកជញ្ជូនយកមកចែកចាយលក់បន្តទាន់ទីផ្សារនោះទេ គឺគេបង្ខំឲ្យពួកគាត់ត្រូវតែសូកសមត្ថកិច្ចគយ បើមិនធ្វើតាមគេ គេឲ្យរើទំនិញដើម្បីគេត្រួតពិនិត្យម្តងមួយមុខៗទៅតាមចំនួនមុខទំនិញលើឯកសារដែលពួកគាត់នាំចូល។

ប្រការនេះលោកឧបនាយករដ្ឋមន្ត្រី អូន ព័ន្ធមុនីរ័ត្ន និងលោកអគ្គនាយកគយ គុណ ញឹម មិនគួរបន្តការបណ្តែតបណ្តោយទៅលើសកម្មភាពពុករលួយរបស់មេគយខេត្តព្រៃវែង មួង ដារ៉ា​ និង ហង្ស វណ្ណ ប្រធានការិយាល័យគយច្រកទ្វារបន្ទាយចក្រីនេះ តទៅទៀតទេ គួរតែមានវិធានការណាមួយដើម្បីទប់ស្កាត់ និងធ្វើការណែនាំឲ្យស្របទៅតាមទិសដៅកែទម្រង់ ភាពអនាធិបតេយ្យរបស់មេដឹកនាំគយខេត្តព្រៃវែង និងប្រធានការិយាល័យគយច្រកបន្ទាយចក្រី ដើម្បីកាត់បន្ថយនូវការគាប់សង្កត់ជម្រិតទារប្រាក់លើតុក្រោមតុ កំណត់បង់ក្បាលឡាន និងការបំពេញឯកសារមុខទំនិញនាំចូលផ្សេងៗដែលក្រុមជំនាញប្រមូលពន្ធគយទាំងនេះកំពុងប្រព្រឹត្តយ៉ាងសកម្មទាំងយប់ទាំងថ្ងៃ។

ព័ត៌មានគួរចាប់អារម្មណ៍

សម្ដេចតេជោហ៊ុន សែន អញ្ជើញជួបពិភាក្សាការងារជាមួយប្រធានរដ្ឋសភា ម៉ារុក (ស្មីសៀមរាប 090567006)

ព័ត៌មានគួរចាប់អារម្មណ៍

ពិតណាស់ប្រសិនបើគ្មានការទប់ស្កាត់និងបង្ក្រាបពីសំណាក់គណៈកម្មការបង្ក្រាបបទល្មើសធនធានធម្មជាតិថ្នាក់ជាតិនិងថ្នាក់ក្រសួងនោះទេ ព្រៃឈើព្រៃឡង់និងត្រូវរលាយហិនហោចក្នុងពេលឆាប់ៗដ៍ខ្លីខាងមុខនេះ! (ស្មីសៀមរាប 090567006)

ព័ត៌មានគួរចាប់អារម្មណ៍

សម្តេចតេជោហ៊ុន សែន នាយករដ្ឌមន្ត្រីនៃព្រះរាជាណាចក្រកម្ពុជាអញ្ជើញជាអធិបតី ក្នុងកិច្ចប្រជុំរដ្ឌមន្ត្រីការពារជាតិអាស៊ានលើកទី៩ រៀបចំឡេឺងនៅសណ្ឌគារសុខា ខេត្តសៀមរាប (រស្មីសៀមរាប 090567006)

ព័ត៌មានគួរចាប់អារម្មណ៍

មិនបានមួយចំអិនកំពឹសផងល្បែងស៊ីសងកន្ទុយលេខឆ្នោតយួនឆ្នោតថៃបានកក្រើកឡើងវិញដដែលក្នុងក្រុងសៀមរាប (រស្មីសៀមរាប 090567006)

ព័ត៌មានគួរចាប់អារម្មណ៍

កិច្ចប្រជុំទ្វេភាគីរវាងកម្ពុជានិងជប៉ុនដើម្បីជុំរុញការអភិវឌ្ឍន៍ហេដ្ឋារចនាសម្ព័ន្ធនៅកម្ពុជាជាពិសេសកំពង់ផែក្រុងព្រះសីហនុ (ស្មីសៀមរាប 090567006)

វីដែអូ

ចំនួនអ្នកទស្សនា

ថ្ងៃនេះ :
21 នាក់
ម្សិលមិញ :
688 នាក់
សប្តាហ៍នេះ :
2419 នាក់
ខែនេះ :
8924 នាក់
3 ខែនេះ :
26909 នាក់
សរុប :
483838 នាក់