#ក្រុងប៉ោយប៉ែត/ ដោយមានការចង្អុលបង្ហាញនិងដាក់បទបញ្ជាបញ្ហា សន្តិសុខ សុវត្ថិភាព ជូនប្រជាពលរដ្ឋពីសំណាក់លោក សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ កងកម្លាំងនៃអធិការដ្ឋាននគរបាលក្រុងប៉ោយប៉ែត អោយធ្វើយ៉ាងណារក្សា សន្តិសុខ សន្ដាប់ធ្នាប់ សុវត្ថិភាព ជូនប្រជាពលរដ្ឋក្នុងក្រុងប៉ោយប៉ែតឲ្យបានល្អប្រសើរមិនថាយប់ឬក៏ថ្ងៃនោះទេ។

#លោកវីរសេនីយ៍ឯក សៅ សារឿន អធិការនៃអធិការដ្ឋាននគរបាលក្រុងប៉ោយប៉ែត ជារៀងរាល់យប់លោកតែងតែចាត់តាំងកម្លាំងអន្តរាគមន៍ នឹងដាក់បទបញ្ជាយ៉ាងម៉ឺងម៉ាត់ចំពោះកងកម្លាំងក្រោមឱវាទ ចុះល្បាតតាមគោលដៅនានា ធ្វើយ៉ាងណា ការពារសន្តិសុខ សុវត្ថិភាព ជូនប្រជាពលរដ្ឋឲ្យបានល្អប្រសើរស្របទៅតាមគោលនយោបាយ ភូមិឃុំមានសុវត្ថិភាពទាំង 9 ចំណុច របស់រាជរដ្ឋាភិបាលកម្ពុជាដែលដាក់ចុះ ។ មិនត្រឹមតែប៉ុណ្ណោះលោកវីរសេនីយ៍ឯក សៅ សារឿន អធិការក្រុងប៉ោយប៉ែតក៏បានផ្តល់លេខទូរសព្ទ ប្រចាំការរបស់អធិការក្រុងជូនប្រជាពលរដ្ឋទូទៅ ដើម្បីងាយស្រួលក្នុងការរាយការណ៍ជូននៅពេលដែលបងប្អូនប្រជាពលរដ្ឋមានបញ្ហាអ្វីមួយកើតឡើងឱ្យបានទាន់ពេលវេលា។

#ប្រជាពលរដ្ឋទូទៅ ក្នុងក្រុងប៉ោយប៉ែតលោកមានសេចក្តីកក់ក្តៅចំពោះ ការដឹកនាំបញ្ជារបស់លោក សៅ សារឿន អធិការក្រុងប៉ោយប៉ែត ដែលជានិច្ចជាកាលលោកតែងតែយកចិត្តទុកដាក់ និងគិតគូរអំពីសុខទុក្ខ សន្តិសុខ សុវត្ថិភាពរបស់ប្រជាពលរដ្ឋទូទៅនៅក្នុងក្រុងប៉ោយប៉ែតទាំងមូល ប្រជាពលរដ្ឋលោកសរសើរមិនដាច់ពីមាត់ចំពោះសកម្មភាពរបស់កងកម្លាំងនៃអធិការរដ្ឋាននគរបាលក្រុងប៉ោយប៉ែត ដែលបានបំពេញតួនាទី ភារកិច្ចក្នុងនាមជាអ្នកការពាររក្សាសន្តិសុខ សណ្ដាប់ធ្នាប់ សុវត្ថិភាព ជូនប្រជាពលរដ្ឋពិតៗ ហើយប្រជាពលរដ្ឋលោកចាត់ទុកបានថាជាអធិការគំរូនៅក្នុងខេត្តបន្ទាយមានជ័យ។
#ផ្សាយចេញថ្ងៃទី 10 ខែមករាឆ្នាំ 2022 (ដោយគេហទំព័ររស្មីសៀមរាប)