ខេត្តបន្ទាយមានជ័យ ៖ នាព្រឹកថ្ងៃពុធ ១០ កើត ខែបុស្ស ឆ្នាំឆ្លូវ ត្រីស័ក ពុទ្ធសករាជ ២៥៦៥ ដែលត្រូវនឹងថ្ងៃទី ១២ ខែមករា ឆ្នាំ២០២២ នេះ លោកឧត្តមសេនីយ៍ត្រីបោន ប៊ិន មេបញ្ជាការអាវុធហត្ថខេត្តបន្ទាយមានជ័យ បានអញ្ជើញចុះសួរសុខទុក្ខកងកម្លាំងប្រចាំគោលដៅបឹងទន្លេសាបក្នុងភូមិសាស្រ្ត ឃុំប្រាសាទ និងឃុំភ្នំលៀប ស្រុកព្រះនេត្រព្រះ រួមនិងឃុំសំបួរ ស្រុកមង្គលបុរី ។ ក្នុងការចុះសួរសុខទុក្ខនេះផងដែរ គោលដៅទីមួយ របស់កងកម្លាំង ប្រចាំ បញ្ជា នៅក្នុងភូមិសាស្ត្រ ភូមិបត់ត្រង់ ឃុំប្រាសាទស្រុកព្រះនេត្រព្រះ ខេត្តបន្ទាយមានជ័យ លោកមាស ហុឹក មេឃុំប្រាសាទរួមជាមួយក្រុមប្រិក្សានិងសហការីបាននាំយកអំណោយសប្បុរសប្រគល់ជូនដល់កងកម្លាំងកំពុងឈរជើងក្នុងគោលដៅទិសដៅទីមួយ។

ក្នុងនោះផងដែរលោកឧត្តមសេនីយ៍ត្រីបោន ប៊ិន មេបញ្ជាការអាវុធហត្ថ ខេត្តបន្ទាយមានជ័យ បានអរគុណចំពោះទឹកចិត្តដ៏ប្រពៃរបស់លោកមាស ហុឹក មេឃុំប្រាសាទ ដែលបាននាំយកអំណោយសប្បុរសជូនដល់កងកម្លាំងទាំងពីរអង្គភាពឈរជើងក្នុងទិសដៅទីមួយ អំណោយសប្បុរសរួមមានអង្ករ ទឹកត្រី ទឹកស៊ីអ៊ីវ ប៊ីចេង ស្ករ ទឹកសុទ្ធ រួមនិងថវិកាមួយចំនួន ក្នុងការផ្ដល់ អំណោយសប្បុរសនោះ កងកម្លាំងទាំងពីរអង្គភាព នគរបាល អាវុធហត្ថ បានសម្ដែងនូវការអរគុណ និងជូនពរដល់លោកមាស ហុឹក មេឃុំប្រាសាទសូមទទួលបាននូវតែសុខភាពល្អបរិបូណ៍គ្រប់ពេលវេលា ។