ខេត្តបន្ទាយមានជ័យ៖ ដោយសារតែអំណាចប្រមូលផ្ដុំ បក្សពួកនិយម ធ្វើអោយប្រពន្ធ័ច្បាប់ គ្មានតម្លាភាព គ្មានអព្យាក្រិដ្ឋ សច្ច: ធម៌ និងយុត្តិធម៌ នៅខេត្តបន្ទាយមានជ័យ។

នៅថ្ងៃទី០៨ ខែកុម្ភះ ឆ្នាំ២០២២ ជីដូនជរាទុគត់ជនរស់នៅ ម្នាក់ឯង ឈ្មោះ ទុយ តិច អាយុ ៧៥ឆ្នាំ រស់នៅ ភូមិ គីឡូម៉ែតលេខ០៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ បានសំណូមពរដល់ប្រមុខរាជរដ្ឋាភិបាល សម្ដេចអគ្គមហាសេនាបតី តេជោហ៊ុន សែន ជួយផ្ដល់យុត្តិធម៌ ដែលលោក យាយត្រូវបាន ឈ្មោះ ងួន ហ៊ាង ភេទស្រី អាយុ៦២ឆ្នាំ រស់នៅ ភូមិបាលល័យ សង្កាត់ប៉ោយប៉ែតក្រុងប៉ោយប៉ែត រំលោភយក ដី។

លោកយាយ ទុយ តិច បានលើកឡើងថា គាត់ប្ដឹងបុគ្គលខាងលើ អស់រយះពេល២០ឆ្នាំមកហើយ គឺចាប់ពីថ្នាក់ភូមិ ឃុំ ស្រុក ខេត្ត រហូតដល់តុលាកាកំពូល គាត់ទទួលបានឈ្នះក្ដី នៅសាលាកំពូល និងសាលក្រមចូលស្ថាពរ នៅថ្ងៃទី៣០ ខែវិច្ឆិកា ឆ្នាំ ២០០៦ រហូតមកដល់ ថ្ងៃទី០៨ខែ កុម្ភះ ឆ្នាំ២០២២នេះ រូបគាត់នៅតែមិនទទួលបានភាពយុត្តិធម៌ ពីអ្នកច្បាប់នៅខេត្តបន្ទាយមានជ័យ ។
ពោលគឺបុគ្គលឈ្មោះងួន ហ៊ាង នៅតែរំលោភបំពាន នៅលើដីកម្មសិទ្ធរបស់គាត់ និងរំលោភលើសាលក្រមរបស់តុលាកាកំពូល លេខ៣៦៨ ចុះថ្ងៃទី៣០ខែវិច្ឆិការ ឆ្នាំ២០០៦ និងសាលក្រម ចូលស្ថាពរនៅថ្ងៃទី៣០ ខែវិច្ឆិការឆ្នាំ២០០៦ ធ្វើអោយរូបគាត់បាត់បង់នូវសិទ្ធរស់នៅ និងសិទ្ធរស់រាន នៅលើដីកម្មសិទ្ធរបស់ខ្លួន ដែលមានទំហ៊ុំ ៣០ គុណ ៤០ ម៉ែត្រ ស្ថិតនៅភូមិគីឡូម៉ែត្រ០៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។

លោកយាយម្ចាស់ដីបានបន្តរថា មានអ្នកធំជាច្រើននាក់ នៅពីក្រោយធ្វើជាខ្នងបង្អែក អោយ បុគ្គលដែលរំលោភយកដីរបស់គាត់ ពោលគឺ មានបុគ្គលជាមន្រ្ដីមួយចំនួនតូច ចាប់ពីស្រុក ខេត្ត និងមានលោកផ្កាយពី នៅក្រសួងការពារជាតិម្នាក់នៅពីក្រោយខ្នង ទើបសាលដីកាសាលាកំពូលគ្មានប្រសិទ្ធភាព និងមានចេតនាលេបយកដីរបស់គាត់ទាំងមូល។