ដោយមានការយកចិត្តទុកដាក់ ពីលោក ឧត្តមសេនីយ៍ត្រី តេង ច័ន្ទណាត ស្នងការនគរបាលខេត្តសៀមរាប និងក្រោមការដឹកនាំរបស់ លោក ឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែននគរបាលព្រហ្មទណ្ឌ និងលោក វរសេនីយ៍ឯក ណុប សារាក់ ស្នងការរងទទួលដឹកនាំការិយាល័យនគរបាលព្រហ្មទណ្ឌកម្រិតធ្ងន់ និងដោយមានការ សម្របសម្រួលនីតិវិធី ពីឯកឧត្តម មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តសៀមរាប ជាក់ ស្តែង នៅថ្ងៃទី ២៣ ខែមិថុនា ឆ្នាំ២០២២ លោកវរសេនីយ៍ទោ សុខ ម៉េងអ៊ាង នាយការិយាល័យនគរបាលព្រហ្មទណ្ឌកម្រិតធ្ងន់ បានដឹកនាំកម្លាំង ដោយសហការណ៍ជាមួយកម្លាំងការិយាល័យបច្ចេកទេសវិទ្យាសាស្រ្ត និង កម្លាំងអធិការនគរបាលស្រុកជីក្រែង ធ្វើការឃាត់ខ្លួន ជនសង្ស័យ ០១នាក់ ឈ្មោះ ស៊ុយ ជួរ ភេទប្រុស អាយុ៤៣ឆ្នាំ មុខរបរធ្វើស្រែ ទីលំនៅសព្វថ្ងៃភូមិចុង ស្ពាន ឃុំខ្វាវ ស្រុកជីក្រែង ខេត្តសៀមរាប ពាក់ព័ន្ធករណី ឃាតកម្ម ( សម្លាប់ប្រពន្ធ ) ត្រង់ចំណុចផ្ទះជនរងគ្រោះស្ថិតក្នុងភូមិចុង ស្ពាន ឃុំខ្វាវ ស្រុកជីក្រែង ខេត្តសៀមរាប ដោយជនសង្ស័យ មានទំនាស់ជាមួយជនរងគ្រោះជាប្រពន្ធ ឈ្មោះ សែត ណាន អាយុ៣៧ឆ្នាំ ភ្លាមនោះ ជនសង្ស័យបានយកខ្សែ ចងរិតក ទៅលើជនរងគ្រោះ បណ្តាលឲ្យស្លាប់ និងយកសាកសព ទៅកប់ក្នុងដីក្បែរផ្ទះ ហើយទៅប្រាប់អ្នកជិតខាង ដោយកុហក់ថាជនរងគ្រោះ ចងកសម្លាប់ខ្លួន ។ ក្រោយពេលទទួលពត៍មាន កម្លាំងយើងបានចុះទៅដល់កន្លែងកើតហេតុ ដោយមានការសង្ស័យ ក៍បាននាំខ្លួនជនសង្ស័យ ឈ្មោះ ស៊ុយ ជួរ យកមកធ្វើការសាកសួរ នៅចំពោះមុខសមត្ថកិច្ច ជនសង្ស័យបានឆ្លើយសារ ភាពថា ខ្លួនពិតជាបាន ធ្វើសកម្មភាព ករណីខាងលើនេះ ពិតប្រាកដមែន ។
👉🏻 បច្ចុប្បន្ននេះ ជនសង្ស័យ ត្រូវបានកម្លាំងជំនាញ រៀបចំនីតិវិធី បញ្ជូនទៅតុលាការ ដើម្បី ចាត់ការទៅតាមផ្លូវច្បាប់ ។