ប៉ៃលិន/នៅល្ងាចថ្ងៃទី០៤ ខែកក្កដា ឆ្នាំ២០២២ មានកិច្ចប្រជុំស្តីពីការចុះតាមដានការអនុវត្តច្បាប់ គោលនយោបាយជាតិពាក់ព័ន្ឋនឹងអនុសាសន៍របស់សម្តេចតេជោនាយករដ្ឋមន្រ្តី និងអនុសញ្ញាអន្តរជាតិស្តីពីការលុបបំបាត់រាល់ទម្រង់នៃការរើសអើងប្រឆាំងនឹងនារីភេទ(CEDAW)ក្នុងការលើកកម្ពស់ស្ថានភាព ជីវភាព តួនាទី និងសុខមាលភាពស្រី ដោយមានលោកជំទាវ ចម និម្មល រដ្ឋលេខាធិការក្រសួងពាណិជ្ជកម្ម, ឯកឧត្តម គឹម ម៉េង ប្រធានសាលាដំបូងខេត្ត លោក ទេព ឃុនឆ័យ ព្រះរាជអាជ្ញារងអមសាលាដំបូងខេត្ត ព្រមទាំងមានការចូលរួម លោកជំទាវ ប៊ុនឈិន វាសនា អគ្គលេខាធិការ ក.ជ.ក.ស លោកជំទាវ ខា ឡេង អនុរដ្ឋលេខាធិការក្រសួងពាណិជ្ជកម្ម ចៅក្រមសាលាដំបូង មេធាវីប្រតិភូខេត្ត ប្រធានមន្ទីរកិច្ចការនារីខេត្ត លេខាធិការដ្ឋានសាលាដំបូងខេត្ត និងប្រតិភូអមដំណើរថ្នាក់ដឹកនាំក្នុងស្ថាប័នពាក់ព័ន្ឋផ្សេងៗ។
កិច្ចប្រជុំនេះបានផ្តោតទៅលើប្រធានបទ ការលែងលះករណីមានអំពើហិង្សាក្នុងគ្រួសារ ការរំលោភសេពសន្ថវៈ អំពើហិង្សាលើស្រីនិងក្មេងស្រី គម្រោងផ្តល់សេវាការពារសិទ្ឋិស្រី និងក្មេងស្រីក្រីក្ររងគ្រោះដោយអំពើហិង្សា របស់ ក.ជ.ក.ស និងបញ្ហាប្រឈម និងចំណាត់ការពាក់ព័ន្ធនឹងសំណុំរឿងស្រ្តីនិងក្មេងស្រី។
លទ្ឋផលនៃកិច្ចប្រជុំនេះ សាលាដំបូង និងអយ្យការអមសាលាដំបូងខេត្ត បានឯកភាពគ្នាជាគោលការណ៍តាមការស្នើសុំរបស់គណៈប្រតិភូនៃក្រសួងពាណិជ្ជកម្ម ពេលមានសំណុំរឿងពាក់ព័ន្ធនឹងបទល្មើសរៀបរាប់ខាងលើ សាលាដំបូង និងអយ្យការអមសាលាដំបូងនឹងរៀបចំមេធាវីការពារក្តីជូនតាមនីតិវិធី ដោយប្រតិភូមេធាវីប្រចាំខេត្តមាននៅក្នុងសាលាដំបូងខេត្តរួចហើយ
អង្គរពិភាក្សាទាំងមូលបានបញ្ចប់ប្រកបដោយបរិយាកាសរីករាយ ភាពស្និទ្ធស្នាល ក្រោយពីបញ្ចប់កិច្ចពិភាក្សា ប្រតិភូនិងមន្រ្តីដែលចូលរួមក្នុងកិច្ចពិភាក្សាបានថតរូបទុកជាអនុស្សាវីយ៍ជាមួយគ្នាផងដែរ។