ថ្ងៃពុធ ទី២៨ ខែកញ្ញា ឆ្នាំ២០២២
គេហទំព័រ រស្មីសៀមរាប ផ្សព្វផ្សាយព័ត៌មានពិតជូនលោកអ្នក!
លោកជំទាវ អភិបាលខេត្តប៉ៃលិន ស្នើសុំអោយក្រុមប្រឹក្សាឃុំសង្កាត់អាណត្តិទី ៥ យកចិត្តទុកដាក់បម្រើសេវាសាធារណៈជូនប្រជាពលរដ្ឋឲ្យបានល្អប្រសើរ
Fri,08 July 2022 (Time 07:28 AM)
ដោយ ៖ ស្មីសៀមរាប 090567006 (ចំនួនអ្នកអាន: 114នាក់)

នៅរសៀលថ្ងៃទី០៧ ខែកក្កដា ឆ្នាំ២០២២ លោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន បានអញ្ជើញជាអធិបតី ក្នុងពិធីប្រកាសសមាសភាពប្រធានក្រុមប្រឹក្សា ឃុំ​ជំទប់ទី១ ទី២ ចៅសង្កាត់ ចៅសង្កាត់រងទី១ ទី២ និងសមាជិកក្រុមប្រឹក្សាសង្កាត់បយ៉ាខា ឃុំអូរអណ្តូង អាណត្តិទី៥ ឆ្នាំ២០២២ ដែលពិធីនេះធ្វើឡើងនៅសាលាសង្កាត់បយ៉ាខា ក្រុងប៉ៃលិន សាលាឃុំអូរអណ្តូង ស្រុកសាលាក្រៅ ដោយមានការចូលរួមពីសំណាក់ លោកនាយករងរដ្ឋបាលសាលាខេត្ត នាយកទីចាត់ការធនធានមនុស្ស ប្រធានក្រុមប្រឹក្សាស្រុក អាជ្ញាធរស្រុក មន្ត្រីពាក់ព័ន្ធ យុវជនសសយក និងបងប្អូនប្រជាពលយ៉ាងច្រើនកុះករ។

មានប្រសាសន៍ផ្តាំផ្ញើ ទៅកាន់ក្រុមប្រឹក្សាឃុំថ្មី នាឱកាសនោះ លោកជំទាវអភិបាលខេត្ត បានសង្កត់ធ្ងន់ថា ទោះសង្កាត់បយ៉ាខា និងឃុំអូរណ្តូងមានសមាជិកក្រុមប្រឹក្សាមកពីគណបក្សចំនួនមួយ គឺគណបក្សប្រជាជនកម្ពុជា ក៏ដោយ ក៏សមាជិកក្រុមប្រឹក្សាឃុំ​ សង្កាត់ថ្មីគ្រប់រូបត្រូវប្រកាន់គោលជំហរ សាមគ្គីភាព និងឯកភាពជាតិ ដោយត្រូវរួមគ្នាខិតខំបម្រើសេវាជូនប្រជាពលរដ្ឋឲ្យល្អប្រសេីរ និងបន្តកសាងអភិវឌ្ឍន៍នៅមូលដ្ឋានឲ្យកាន់តែរីកចម្រើនជឿនលឿនទ្វេរឡើង ជាពិសេសដើម្បីបំពេញទៅតាមតម្រូវការរបស់ប្រជាពលរដ្ឋដែលជាម្ចាស់ឆ្នោត ប្រកបដោយលទ្ធិប្រជាតេយ្យ សំដៅចូលរួមចំណែកកាត់បន្ថយភាពក្រីក្រ ស្របតាមគោលនយោបាយដ៏ត្រឹមត្រូវ របស់រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

លោកជំទាវអភិបាលខេត្ត បានថ្លែងបន្តថា ដើម្បីធានាបាននូវការផ្ដល់សេវានានាក្នុងមូលដ្ឋាន បញ្ហាគន្លឹះសំខាន់គឺការបំពេញតួនាទី ភារកិច្ចរបស់តួអង្គស្នូលចំនួន៥គឺ៖
*ទី១៖ មេឃុំ ចៅសង្កាត់
*ទី២៖ ស្មៀនឃុំ សង្កាត់
*ទី៣៖ ប៉ុស្តិ៍នគរបាលរដ្ឋបាលឃុំ សង្កាត់
*ទី៤៖ មណ្ឌលសុខភាព ឬប៉ុស្តិ៍សុខភាព
*ទី៥៖ មេភូមិ អនុភូមិ

ដូច្នេះសូមឲ្យតួអង្គទាំង៥ខាងលើនេះ ខិតខំយកចិត្តទុកដាក់អនុវត្តតួនាទី ភារកិច្ចរបស់ខ្លួន ក្នុងផ្តល់សេវាសាធារណៈនានា ជូនប្រជាពលរដ្ឋ ក្នុងមូលដ្ឋានរបស់ខ្លួនឲ្យបានល្អប្រសើរ ប្រកបដោយក្រមសីលធម៌វិជ្ជាជីវៈ និងកែលម្អឥរិយាបថ ក្នុងការប្រាស្រ័យទាក់ទងជាមួយប្រជាពលរដ្ឋ ប្រកបដោយតម្លាភាព គណនេយ្យភាព និងយុត្តិធម៌ ពិសេសត្រូវយកចិត្តទុកដាក់លើការចុះហត្ថលេខាឯកសារដីធ្លី ប្រយត្នជាន់ប្លង់តែមួយម្ចាស់ច្រើននាក់ និងត្រូវចុះពិនិត្យជាក់ស្តែងផ្ទាល់ចៀសវាងការទន្ទ្រានយកដីភ្នំ ដីកម្មសិទ្ធរដ្ឋ ហើយដោយមិនត្រូវមានការរើសអើង ការបែងចែកបក្សពួក គ្រួសារនិយម និងនិន្នាការនយោបាយឡើយ ។

សូមជម្រាបជូនថា ដំណេីរការបោះឆ្នោតជ្រើសរើស ក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ដែលប្រព្រឹត្តិទៅថ្ងៃទី៥ ខែមិថុនា កន្លងទៅនេះ ជាលទ្ធផលក្នុងសង្កាត់បយ៉ាខា មានអាសន:ចំនួន៥ ឃុំអូរអណ្តូងមានអាសនៈសរុប ចំនួន០៥ មកពីគណបក្សនយោបាយចំនួន០១ ដែលគណបក្សប្រជាជនកម្ពុជា មាន០៥អាសនៈ ដោយទទួលបានតំណែងជាប្រធានក្រុមប្រឹក្សាឃុំ ជាមេឃុំ ជំទប់ទី១ ជំទប់ទី២ និងសមាជិកក្រុមប្រឹក្សា ចំនួន០៣អាសនៈ ។

ព័ត៌មានគួរចាប់អារម្មណ៍

ជួយគ្នាក្នុងគ្រាលំបាក (ស្មីសៀមរាប 090567006)

ព័ត៌មានគួរចាប់អារម្មណ៍

លោក ញឹក ផលិ្លក គយចល័តក្រសួងកំពុងដាក់កូនចៅជាជនស៊ីវិលឱ្យអង្គុយកត់ក្បាលឡានយកលុយពីក្រុមឈ្មួញដឹកទំនិញចេញចូលខ្មែរថៃតាមរបៀបអំពើពុករលួយ !រីឯលោកឈុន សុភមង្គល ប្រធានសាខាគយខេត្តរមានជ័យកំពុងដាក់សំណាញ់ត្រង់យកប្រយោជន៍!!! (រស្មីសៀមរាប 090567006)

ព័ត៌មានគួរចាប់អារម្មណ៍

លោក ញឹក ផលិ្លក គយចល័តក្រសួងកំពុងដាក់កូនចៅជាជនស៊ីវិលឱ្យអង្គុយកត់ក្បាលឡានយកលុយពីក្រុមឈ្មួញដឹកទំនិញចេញចូលខ្មែរថៃតាមរបៀបអំពើពុករលួយ !រីឯលោកឈុន សុភមង្គល ប្រធានសាខាគយខេត្តរមានជ័យកំពុងដាក់សំណាញ់ត្រង់យកប្រយោជន៍!!! (រស្មីសៀមរាប 090567006)

ព័ត៌មានគួរចាប់អារម្មណ៍

គ្រោះថ្នាក់ចរាចរណ៍មួយបានកើតឡើងនៅតាមបណ្ដោយផ្លូវសាដឹហ្គោលក្នុងក្រុងសៀមរាប បណ្ដាលឱ្យមនុស្សម្នាក់រងរបួសស្រាល (ស្មីសៀមរាប 090567006)

ព័ត៌មានគួរចាប់អារម្មណ៍

ក្រសួងមហាផ្ទៃសម្រេចអនុញ្ញាតចេញលិខិតឱ្យក្រុមហ៊ុនសាម៉ន(ខេមរៈភិវឌ្ឍន៍)ចរាចរណ៍រំសេវជាតិផ្ទុះកាំជ្រួចបាញ់ក្នុងការចាក់ភ្នាល់លុយ មែនឬទេ?? (រស្មីសៀមរាប 090567006)

វីដែអូ

ចំនួនអ្នកទស្សនា

ថ្ងៃនេះ :
102 នាក់
ម្សិលមិញ :
257 នាក់
សប្តាហ៍នេះ :
1655 នាក់
ខែនេះ :
8614 នាក់
3 ខែនេះ :
27580 នាក់
សរុប :
464807 នាក់