#សៀមរាប៖ យោងតាមព្រះចៅអធិការវត្តព្រៃធុតង្គព្រះនិព្វានដែលមានទីតាំងស្ថិតនៅ ភូមិត្រពាំងត្រុំ ឃុំពពេល ស្រុកសូទ្រនិគម ខេត្តសៀមរាប បានប្រាប់អង្គភាពសារព័ត៌មានថា ៖ កាលពីកន្លងទៅថ្មីៗនេះ វត្តព្រៃធុតង្គព្រះនិព្វាន ត្រូវបានអ្នកមានអំណាចនិងមានប្រាក់ឃុបខិតគ្នាជាប្រព័ន្ធ រំលោភយកដីព្រះគ្រូចៅអធិការវត្ត ស៊ីន សេត មិនត្រឹមតែប៉ុណ្ណោះគំរាមកំហែងដល់ព្រះអង្គដល់សព្វថ្ងៃ ថែមទាំងមានពាក្យជេរប្រមាថហៅព្រះអង្គថាអាហ្នឹងជាដើម...។

បើតាមការបញ្ជាក់របស់ព្រះគ្រូចៅអធិការវត្តព្រះនាម ស៊ីន សេត បានប្រាប់អង្គភាពសារព័ត៌មានយើងបន្តទៀត កាលពីពេលកន្លងមកឆ្នាំ 2018 រហូតមកដល់បច្ចុប្បន្ន មានឈ្មោះលោកស្រី ( សរ ពិដោរ) បានចេញមកអះអាងថាដីរបស់ព្រះចៅអធិការវត្ត ជារបស់លោកស្រីទៅវិញ ធ្វើឱ្យព្រះអង្គមានភាពស្រឡាំងកាំង និងភ្ញាក់ផ្អើលជាខ្លាំងពេលដែលឮសម្ដីពួកគេនិយាយបែបនេះ ព្រះអង្គបានមានសង្ឃដីកាទៅវិញថាដីនេះជាដីរបស់អាត្មា និងពុទ្ធបរិស័ទដែលបាន #សមប្បទានប្រគេនជូនព្រះអង្គសម្រាប់ធ្វើព្រះវិហារ និងមួយផ្នែកទៀតជាដីកេរិ៍ផ្ទាល់របស់ព្រះអង្គផ្ទាល់ ។

#សូមបញ្ជាក់ផងដែរថា ដីវត្តព្រៃធុតង្គព្រះនិព្វាន បច្ចុប្បន្នជាដីកេរមរតករបស់ព្រះគ្រូចៅអធិការវត្ត ដែលព្រះអង្គបានដាក់ឲ្យទៅជារបស់វត្ត ហើយបានស្នើទៅក្រសួងធម្មការនិងសាសនាសព្វគ្រប់ហើយ ។

ទំនងជាទាមទារដីពីព្រះគ្រូចៅអធិការវត្តមិនបានលោកស្រី(សរ ពិដោរ)ក៏ដកខ្លួនមួយរយៈខ្លី ស្រាប់តែលិចមុខបុរសមានអំណាចម្នាក់ឈ្មោះ ស្រេង សែនឧត្តម វិញម្ដង មិនត្រឹមតែនិយាយថាជាដីរបស់ខ្លួនទេ លោក ស្រេង សែនឧត្តមនិងបក្ខពួករបស់លោកបានគំរាមកំហែងដល់អាយុជីវិតព្រះអង្គទៀតផង ។ ព្រះគ្រូចៅអធិការវត្តបានបញ្ជាក់បន្ថែមទៀតថាអ្នកមានលុយមានអំណាចព្រមទាំងបក្ខពួកជិះរថយន្តសុទ្ធតែស៊េរីទំនើបៗ ពាក់ផ្លាកលេខសុទ្ធតែ រដ្ឋ14 2.7707 និងរដ្ឋ05 2.0413 ថែមទាំងយកឈ្មោះឯកឧត្តម បណ្ឌិត #ហ៊ុនម៉ាណែត ទៅគម្រាមដល់ព្រះចៅអធិការវត្តព្រៃធុតង្គព្រះនិព្វានទៀតផង ។
ឥឡូវនេះដីព្រះអង្គត្រូវបានពួកអ្នក មានលុយ មានអំណាច និងបក្ខពួក ដណ្ដើមយកបានដាក់ស្លាកលក់ទៀតផង ។ ជាចុងក្រោយព្រះអង្គសំណូមពរដល់អាជ្ញាធរមូលដ្ឋានជាពិសេសលោកអភិបាលនៃគណៈអភិបាលខេត្តសៀមរាប
ឯកឧត្តម ទៀ សីហា និងប្រមុខថ្នាក់ដឹកនាំគ្រប់ជាន់ថ្នាក់មេត្តាជួយរកយុត្តិធម៍ជូនព្រះអង្គផង ព្រោះសព្វថ្ងៃព្រះអង្គកំពុងទទួលការគំរាមគំហែងគ្រប់បែបយ៉ាង ដល់អាយុជីវិតព្រះអង្គ ៕