#ព្រះវិហារ/មានសេចក្តីរាយការណ៍ពីប្រជាពលរដ្ឋនៅក្នុងស្រុកជាំក្សាន្តមកថា មន្ត្រីរដ្ឋបាលព្រៃឈើខាងជើងបឹងទន្លេសាបម្នាក់ឈ្មោះគឹម ជេថាវីបាននាំកម្លាំងមន្ត្រីជាប់កិច្ចសន្យាពីររូបចុះមកធ្វើសកម្មភាពចាប់ឃាត់រថយន្តដឹកឈើផ្ទះចាស់នៅក្នុងភូមិរបុញឃុំមរកតស្រុកជាំក្សាន្ត ដែលប្រជាពលរដ្ឋឈ្មោះ អ៊ាប បានទិញពីបងប្អូនដើម្បីយកទៅលក់បន្តយកប្រាក់ទុក្ខអោយថ្លៃពេទ្យ ពីព្រោះរូបគាត់ឈ្មោះ អ៊ាប មានជំងឺប្រចាំកាយពី១ថ្ងៃទៅ១ថ្ងៃកាន់តែដុនដាបទៅៗ ដោយតំរូវអោយគាត់ត្រូវបង្ខំចិត្តធ្វើតំណើរទៅព្យាបាលនៅឯមន្ទីរពេទ្យក្នុងប្រទេសថៃ។ ព្រោះតែជីវភាពមានការខ្វះខាតទើបសម្រេចចិត្តខ្ចីបុលប្រាក់គេយកមកទិញឈឺផ្ទះចាស់ដើម្បីធ្វើការដោះដូរក្រែងបានប្រាក់ចំណេញបន្តិចបន្តួចយកទៅព្យាបាលខ្លួនដែលកំពុងមានជំងឺជាខ្លាំង #លោកបានបន្តទៀតថា ព្រោះតែខ្លាចគេចាប់ទើបលោកធ្វើលិខិតសូមអនុញ្ញាតពីមេភូមិមេឃុំនិងលោកអភិបាលស្រុកជាំក្សាន្តដើម្បីធ្វើដំណើរដឹកបន្តទៅកាន់ស្រុកកំណើតនៅឯខេត្តកំពត។ ហើយលោកក៏បានស្នើសុំមន្ត្រីបរិស្ថានជំនាញរដ្ឋបាលព្រៃឈើនិងមន្ត្រីស្ថាប័នសមត្ថកិច្ចពាក់ព័ន្ធគ្រប់ទាំងអស់ ដោយមានការយោគយល់ទៅលើលោកមានជំងឺផងនិងពិនិត្យទៅឃើញថាជាឈឺរើផ្ទះចាស់ពិតប្រាកដគេក៏បានអនុញ្ញាតដោយមិនយកប្រាក់អ្វីសូម្បីតែមួយសេន។
#ប្រភពបានបន្តថា ជាអកុសលពេលដែលគាត់ធ្វើដំណើរបើករថយន្តដឹកឈឺផ្ទះចាស់នេះមកដល់ពាក់កណ្ដាលផ្លូវក្នុងស្រុកជាំក្សាន្ត ក៏ជួបប្រទះនិងលោក គឹមជេថាវី បានបើករថយន្តប្រដេញកាក់ចាប់តែម្ដងដោយមានមន្ត្រីជាប់កិច្ចសន្យាពីររូបតាមជាមួយគាត់ផង។ នៅខណៈនោះដែរលោកគឹម ជេថាវី បានប្រាប់ថារូបលោកគឺជាមន្ត្រីរដ្ឋបាលព្រៃឈើខាងជើងបឹងទន្លេសាប(ធំជាងគេ) ហើយនៅពេលនោះលោក ជេថាវី តម្រូវទារប្រាក់ពីគាត់ឈ្មោះ អ៊ាប ហ្នឹងចំនួន 8លានរៀល(ស្មើរ២០០០ដុល្លា)ជាថ្នូរមិនចាប់បញ្ជូន ដោយមានការភ័យខ្លាចនូវការបំភិតបំភ័យ គំរាមកំហែងបែបនេះលោក អ៊ាប បានតថ្លៃឲ្យលោកគឹម ជេថាវី 5 លានរៀល តែលោកគឹម ជេថាវី បដិសេធមិនព្រមទទួលរួចក៏ចាប់បញ្ជូនរថយន្តដឹកឈឺផ្ទះចាស់នោះមកកាន់ស្នាក់ការរដ្ឋបាលព្រៃឈើពាក់ស្បែកក្នុងស្រុកជាំក្សាន្ត ព្រោះលោកគឹម ជេរថាវីទទួលដំណឹងច្បាស់ណាស់ថាឡាននេះបង្កប់ឈឺថ្មីជាច្រើនម៉ែតគួបលាយឈេីផ្ទះចាស់។
#ភាពច្បាស់ការនិងជឿជាក់ទៅលើបណ្ដាញរបស់លោកមេព្រៃខាងជើងបឹងទន្លេសាបឈ្មោះ គឹម ជេរថាវី នេះមិនយូរប៉ុន្មានលោកគឹមជេរថាវី បានសហការជាមួយមន្ត្រីរដ្ឋបាលព្រៃឈឺស្នាក់ការពាក់ស្បែកធ្វើការទាញទម្លាក់រើឈើចេញពីឡានទាំងអស់ដើម្បីត្រួតពិនិត្យ ទីបំផុតគឺរកមិនឃើញនៅឈើថ្មីឬក៏ឈឺត្រាំទឹកវ៉ៃដែកគោលសូម្បីតែមួយកន្ទុយ នៅពេលនោះមន្ត្រីរដ្ឋបាលព្រៃឈើក្នុងស្រុកជាំក្សាន្តមានការហួសចិត្តនិងគ្រវីក្បាលចំពោះលោកមេព្រៃខាងជើងបឹងទន្លេសាប កឹម ជេថាវី ជាខ្លាំង។
ការអនុវត្តរុះរើពិនិត្យមើលពុំឃើញមានឈឺថ្មីឬក៏ឈឺត្រាំទឹកវ៉ៃដែកគោលមួយកន្ទុយបែបនេះ លោកគឹម ជេថាវី តម្រូវឲ្យម្ចាស់ឈ្មោះ អ៊ាប ទៅជួបចរចានៅឯស្នាក់ការរដ្ឋបាលព្រៃឈឺខាងជើងបឹងទន្លេសាប ពេលម្ចាស់ ទៅដល់គឺលោកមេព្រៃតម្រូវឲ្យបង់ប្រាក់ផាកពិន័យគិតជាឈើថ្មីចំនួន3គីបពីផ្លានព្រោះនេះជាបញ្ជាពីមេ កាលដែលឮបែបដូច្នេះប្រជាពលរដ្ឋឈ្មោះអៀបដែលជាអ្នកដឹកឈឺផ្ទះចាស់នេះមិនយល់ព្រមធ្វើការបង់ផាកពិន័យទៅតាមការទារបស់មេព្រៃខាងជើងបឹងទន្លេសាបនោះទេព្រោះលោកសំអាងថាឈឺរបស់លោកគឺជាឈើផ្ទះចាស់មានអាយុរាប់សិបឆ្នាំណាស់មកហើយ។
ប្រជាពលរដ្ឋ ដែលបានដឹងនៅក្នុងសកម្មភាពនៃរឿងនេះបានទះទ្រូងហួសចិត្តអាណិតដល់ប្រជាពលរដ្ឋដែលក្រីក្រហើយថែមទាំងមានជំងឺប្រចាំកាយត្រូវត្រៀមខ្លួនបញ្ជូនទៅព្យាបាលនៅឯប្រទេសថៃ ឈ្មោះ អ៊ាប នេះខ្លាំងណាស់ ហើយបានរិះគន់ចំៗទៅលើស្ថាប័នរដ្ឋបាលព្រៃឈើថា ពួកនេះធ្វើបានតែប្រជាពលរដ្ឋក្រីក្រទន់ខ្សោយតែប៉ុណ្ណោះតែបើក្រុមឈ្មួញដឹកឈឺថ្មីៗចេញពីព្រៃអភិរក្សព្រះរកាឬក៏ព្រៃអភិរក្សសត្វឆែបទាំងឡានៗខ្នាតយក្សគឺក្រុមនេះពុំដែលហ៊ានអឺតក្បាលឬក៏បើកភ្នែកមើលឡានដឹកឈឺទាំងនោះឡើយ ពោលគឺធ្វើដូចជាភ្នែកខ្វាក់ ត្រចៀកថ្លង់ ដៃជើងខ្វិនខ្វង់ មិនកំរើកព្រោះខ្លាចអំណាចក្រុមអ្នកមានលុយនិងក្រុមឈ្មួញរកស៊ីធំទាំងនោះ។
#ជុំវិញករណីរឿងរ៉ាវខាងលើ ក្រុមគ្រួសារលោក អ៊ាប ដែលជាប្រជាពលរដ្ឋក្រីក្រនិងមានជំងឺប្រចាំកាយផងនោះសំណូមពរ ដល់ឯកឧត្តម ឌឹត ទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ មេត្តាពិនិត្យទៅលើក្រុងមន្ត្រីរដ្ឋបាលព្រៃឈើខាងជើងបឹងទន្លេសាបឈ្មោះគឹម ជេរថាវី នេះផង ព្រោះថាលោកគឹមជេថាវី នេះកាលនៅជាមន្ត្រីរដ្ឋបាលព្រៃឈើប្រចាំស្រុកជាំក្សាន្តធ្លាប់មានប្រវត្តិអាស្រូវជាច្រើនណាស់ដែរ(នេះបើយោងតាមប្រភពពីប្រជាពលរដ្ឋនៅក្នុងតំបន់នោះ)ព្រោះថាលោក គឹម ជេថាវី អនុវត្តច្បាប់ស្ដីពីព្រៃឈឺបែបនេះធ្វើឱ្យប៉ះពាល់ទៅដល់អារម្មណ៍របស់ប្រជាពលរដ្ឋទូទាំងប្រទេសហើយប្រជាពលរដ្ឋអាចខឹងគោនិងវាយរទេះ។
#និងជាពិសេសគឺ ឯកឧត្តម គឹម រិទ្ធី អភិបាលនៃគណៈអភិបាលខេត្តព្រះវិហារសូមមេត្តាជួយសម្របសម្រួលហ្នឹងអនុញ្ញាតផ្ដល់ទាំងរថយន្តនិងឈឺចាស់ទាំងនោះជូនទៅដល់ប្រជាពលរដ្ឋដែលកំពុងមានជីវភាពខ្វះខាតរងគ្រោះដោយជំងឺប្រចាំកាយនេះផងទាន!។