បន្ទាយមានជ័យ ៖ ប្រជាពលរដ្ឋរាប់រយនាក់ នៅថ្ងៃទី១៤ ខែមករា ឆ្នាំ២០២៣ បានផ្ទុះការតវ៉ាដោយមិនឲ្យអាជ្ញាធរសង្កាត់ផ្សារកណ្ដាល ក្រុងប៉ោយប៉ែត និងឈ្មួញ ចុះបោះបង្គោលព្រំដីទំហំ៩៦០០ម៉ែត្ររ៉េ បម្រុងធ្វើជាដីល្វែងលក់។ ប្រជាពលរដ្ឋ បានអះអាងថា ដីខាងលើនេះ ជាដីរបស់សហគមន៍ប្រជាពលរដ្ឋ ចំនួន៥៩៩គ្រួសារ ដូច្នេះមិនអាចលក់ដូរបានតាមចិត្ត ក្រោមរូបភាព និងល្បិចបែបនេះទេ។អាជ្ញាធរសង្កាត់ និងក្រុងប៉ោយប៉ែត្រ បែរជាយកលេសដោះសារថា លក់ដីអណ្ដូង និងដីសួនរបស់សហគមន៍នេះ ដើម្បីយកលុយមកអភិវឌ្ឍន៍ថ្នល់បេតុង។ បើទោះជាអាជ្ញាធរប្រាប់ថា លក់យកលុយអភិវឌ្ឍន៍ក៏ដោយក្ដី ប៉ុន្តែប្រជាពលរដ្ឋមិនព្រមឲ្យលក់ដែរ។ ព្រោះពួកគាត់យល់ថា ល្បិចលក់បានលុយច្រើន ចំណាយតិចតួច សល់ពួកគេចែកគ្នា។ប្រជាពលរដ្ឋថា បើរដ្ឋបាលក្រុងប៉ោយប៉ែត និងលោកចៅសង្កាត់ផ្សារកណ្ដាល ចង់អភិវឌ្ឍន៍ពិតប្រាកដមែន សូមស្នើទៅថ្នាក់ដឹកនាំខេត្ត ឬសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដើម្បីសុំកញ្ចប់ការអភិវឌ្ឍន៍ភូមិ-ឃុំ មិនមែនឃុបឃិតគ្នាយកដីសហគមន៍របស់រដ្ឋ លក់បែបនេះទេ។ករណីលក់ដីអណ្ដូង និងដីសួន ក្រោមល្បិចថា ដើម្បីយកលុយមកអភិវឌ្ឍន៍នេះ ប្រជាពលរដ្ឋបានចោទសួរទៅអាជ្ញាធរវិញថា តើកញ្ចប់ថវិការដ្ឋមួយឆ្នាំៗ ដែលរដ្ឋផ្ដល់ឱ្យក្រុង និងសង្កាត់ មួយឆ្នាំប៉ុន្មាន ហើយអភិវឌ្ឍន៍ភូមិ-ឃុំបានអ្វីខ្លះ?ប្រជាពលរដ្ឋសំណូមពរដល់ថ្នាក់ដឹកនាំទាំងអស់ ជាពិសេស សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា មេត្តាជួយអន្តរាគមន៍មន្ត្រីថ្នាក់ក្រោម ដើម្បីរក្សាទុកដីសួន និងដីអណ្ដូងរបស់រដ្ឋ កុំឱ្យមានការលក់ដូរតទៅទៀត។ប្រជាពលរដ្ឋចង់រក្សាដីនោះសម្រាប់ធ្វើបុណ្យ និងកម្មវិធីផ្សេងៗនៅក្នុងសហគមន៍ ឬអភិវឌ្ឍន៍ធ្វើជាសួនលំហែឲ្យក្មេងៗ និងមនុស្សចាស់ៗរត់ហាត់ប្រាណនៅថ្ងៃមុខ។ទាក់ទងព័ត៌មានខាងលើនេះ នៅល្ងាចថ្ងៃទី១៧ ខែមករា ឆ្នាំ២០២៣នេះ មិនអាចរកការបំភ្លឺពីលោក គាត ហ៊ុល អភិបាលក្រុងប៉ោយប៉ែតបានទេ ដោយសារខលចូល តែគ្មានអ្នកទទួល៕
ព័ត៌មានគួរចាប់អារម្មណ៍
ជនជាតិចិនដែលកំពុងវិនិយោគនៅក្នុងប្រទេសកម្ពុជា មានការភ្ញាក់ផ្អើលបន្ទាប់ពីចៅក្រម ថោង មារឌីណា សម្រេចផ្តន្ទាទោសពាណិជ្ជករម្នាក់ដោយអយុត្តិធម៌ (គេហទំព័ររស្មីសៀមរាប)
បទល្មើសនេសាទខុសច្បាប់កើតមានយ៉ាងពេញ បន្ទុក ក្នុង ឃុំចំនួន០៤ ស្រុកចំនួន០៣ ក្នុងខេត្តតាកែវ រីឯ អាជ្ញាធរនិងសមត្ថកិច្ចជំនាញពាក់ព័ន្ធ រក្សាភាពស្ងៀម ស្ងាត់.! ១២/10/2024 ()
មហាព្រឹត្តិការណ៍វីតាល់ «គរុកតញ្ញុតា» ដ៏ធំប្រចាំឆ្នាំ ប្រារព្ធឡើងដំណាលគ្នាស្របពេលតែមួយ ក្នុងខេត្តទាំង៥ (រស្មីសៀមរាប)
ពលរដ្ឌ១៦៤នាក់មកពីគណះបក្សប្រឆាំង បានចូលរួមស្មាក់ចិត្តរួមរស់ជាមួយគណះបក្សប្រជាជនកម្ពុជា ក្រោមអធិបតីភាព ឯកឧត្តម យូ សេរីវុឌ្ឃ បេសកជនពិសេសសម្តេច អគ្គមហាសេនាប្ដីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា (រស្មីសៀមរាប)
សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)
វីដែអូ
ចំនួនអ្នកទស្សនា