ថ្ងៃព្រហស្បតិ៍ ទី២០ ខែមិថុនា ឆ្នាំ២០៥០
គេហទំព័រ រស្មីសៀមរាប ផ្សព្វផ្សាយព័ត៌មានពិតជូនលោកអ្នក!
តើហេតុអ្វីបានជាលោក សីហា ដឹកជញ្ជូនឈើខុសច្បាប់បានដោយរលូនដោយពុំមានការទប់ស្ចាត់និងបង្ក្រាបពីសមត្ថកិច្ចជំនាញ នៅក្នុងដែនអាណាចក្រនៃខេត្តមណ្ឌលគិរី?
Wed,18 January 2023 (Time 05:53 PM)
ដោយ ៖ ស្មីសៀមរាប 090567006 (ចំនួនអ្នកអាន: 534នាក់)

(ខេត្តមណ្ឌលគិរី)% ក្រោយស្ងប់ស្ងាត់តែមួយរយ: ក៏ចាប់ផ្ដើមឡើងវិញ ល្បីថា លោក សីហា គឺជាឈ្មួញដឹកជញ្ជូនឈើយ៉ាងសកម្មចេញពីឃុំមេម៉ង់ ស្រុកកែវសីមា ដោយយកទៅស្តុបទុក នៅក្នុងក្រុងសែនមនោរម្យ ។
ប្រភពខាងលើអះអាងថា លោក សីហា ទំនងជាកូនរបស់លោកធំណាមួយនៅក្នុងខេត្តមណ្ឌលគិរី ទើបមិនឃើញមានសមត្ថកិច្ចណាហ៊ាន ចេញមកធ្វើការទប់ស្កាត់ និងបង្ក្រាប ។

កាលពីនៅយប់ថ្ងៃទី២៦ ខែធ្នូ ឆ្នាំ២០២២ វេលាម៉ោង១១និង៣០នាទីកន្លងទៅ គេបានជួបប្រទះឃើញ អាឡង់កែច្នៃរបស់លោក សីហា ដឹកឈើពេញព្រាប ចេញពី ឃុំមេម៉ង់ ស្រុកកែវសីមា ឆ្លងកាត់ប៉ុស្តិ៍រដ្ឋបាលមេម៉ង់ និងឆ្លងកាត់តាមស្នាក់ការបរិស្ថាន ស្រែអ៊ី ក្រោមការគ្រប់គ្រងរបស់លោក ចាន់រិន ។រីឯចំណែកលោកវ:សេនីយ៍ត្រីសិទ្ធចន្ទីប្រធានស្នាក់ការសន្តិសុខ៧៦៤ និងកម្លាំងកងរាជអាវុធហត្ថខេត្តមណ្ឌលគិរី ក៏មិនឃើញអើតមុខចេញមកបង្ក្រាបដែរ ទំនងជាខ្លាចអំណាចរបស់មេឈ្មួញឈើឈ្មោះលោក សីហា នេះហើយមើលទៅ។
មតិរិះគន់ បានដាក់ជាសំណួរថា សព្វថ្ងៃនេះតើឈ្មួញឈើឈ្មោះ សីហា គាត់មានអំណាចអ្វី ធំជាងលោក ហែមបូណារ៉ែល មេបញ្ជាការរាជអាវុធហត្ថខេត្តមណ្ឌលគិរីមែនទេ.? ឬក៏លោក សីហា មានអំណាចធំជាង ឯកឧត្តមឧត្តមសេនីយ៍ទោ ស្នងការនគរបាលខេត្តមណ្ឌលគិរីមែនទេ.? បានជាសមត្ថកិច្ចនៅក្នុងខេត្តមណ្ឌលគិរីមិនហ៊ានធ្វើការបង្ក្រាបសកម្មភាពជំនួញឈើរបស់លោក សីហា រូបនេះ ។

មតិរិះគន់ខាងលើបន្តថា លោកសីហារូបនេះ គេមិនដែលខ្លាច ញញើតនិងសមត្ថកិច្ចណានោះទេ ព្រោះដោយសារគេសំអាងឪពុករបស់គេ ជាមន្ត្រីជាន់ខ្ពស់នៅក្នុងខេត្តមណ្ឌលគីរី។ ដូច្នោះហើយបានជាប្រជាពលរដ្ឋដាក់ការរិះគន់ចំៗថា ចំណែកលោក សីហា ដឹកជញ្ជូនឈើ បានយ៉ាងអាណាធិបតេយ្យ គ្មានសមត្ថកិច្ចណាហ៊ានបង្ក្រាបនោះទេ សូម្បីតែនាយខណ្ឌរដ្ឋបាលព្រៃឈើ ខេត្តមណ្ឌលគិរី ឬប្រធានមន្ទីរបរិស្ថានខេត្តមណ្ឌលគិរី ក៏មិនហ៊ានធ្វើការបង្ក្រាបដែរ។
ជាក់ស្ដែង នៅយប់ថ្ងៃដូចខាងលើ ក្រុមការងារអ្នកសារព័ត៌មានជាច្រើនអង្គភាព បានថតផ្ដិតរូបភាពនៅចំណុចភូមិកោះត្រឹមលើ សង្កាត់រមណី ក្រុងសែនមនោរម្យ ស្រាប់តែលោក សីហា ហ៊ានយកឡានឆ្លាមមកបិទផ្លូវអ្នកសារព័ត៌មាន មិនឲ្យថតយករូបភាពទៀតផង។

ប្រជាពលរដ្ឋរស់នៅក្នុងឃុំមេម៉ង់ និងក្រុមអ្នកសារព័ត៌មាន សូមសំណូមពរដល់ឯកឧត្តមនៃគណៈអភិបាលខេត្តមណ្ឌលគីរី ថង សាវុន ជួយដាក់បទបញ្ជាទៅមន្ត្រីក្រោមឱវាទរបស់លោកនៅក្នុងខេត្តមណ្ឌលគិរី ជួយធ្វើការបង្ក្រាបមេឈ្មួញដុះស្លែឈ្មោះលោក សីហា ដែលត្រូវជាកូនអ្នកមានអំណាចមួយរូបនៅក្នុងខេត្តមណ្ឌលគិរីផង។

ពាក់ព័ន្ធសកម្មភាពដឹកជញ្ជូនឈើរបស់លោក សីហា ខាងលើ អង្គភាពសារព័ត៌មានយើង នៅមិនទាន់អាចសុំការបំភ្លឺណាមួយពីលោក សីហា ដោយផ្ទាល់បាននៅឡើយទេ។ អង្គភាពសារព័ត៌មានយើងរង់ចាំបកស្រាយផ្សាយបំភ្លឺឡើងវិញរៀងរាល់ម៉ោងធ្វើការ។

ព័ត៌មានគួរចាប់អារម្មណ៍

សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)

ព័ត៌មានគួរចាប់អារម្មណ៍

តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)

ព័ត៌មានគួរចាប់អារម្មណ៍

ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)

ព័ត៌មានគួរចាប់អារម្មណ៍

ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)

ព័ត៌មានគួរចាប់អារម្មណ៍

ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)

វីដែអូ

ចំនួនអ្នកទស្សនា

ថ្ងៃនេះ :
214 នាក់
ម្សិលមិញ :
105 នាក់
សប្តាហ៍នេះ :
950 នាក់
ខែនេះ :
7317 នាក់
3 ខែនេះ :
23624 នាក់
សរុប :
645062 នាក់