#ស្វាយរៀង/ប្រជាពលរដ្ឋចំនួន៣៣១គ្រួសាររស់នៅក្នុងភូមិវត្ត.ភូមិបុស្ស ភូមិសេរីអោ ភូមិត្រពាំងស្មាច់ ក្នុងឃុំត្រស់ និងឃុំអណ្ដូងត្របែក ស្រុករមាសហែកខេត្តស្វាយរៀង ផ្ទុះការតវ៉ា សូមឱ្យអាជ្ញាធរពាក់ព័ន្ធ និងជាពិសេសបំផុតគឺសម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាមេត្តាជួយដល់ពួកគាត់ផង ។ ខណៈដែលរាជរដ្ឋាភិបាលប្រគល់ដីឲ្យអាជ្ញាធរថ្នាក់ខេត្ត ស្រុក ឃុំ ភូមិ ធ្វើការវាស់វែងចែកជូនប្រជាពលរដ្ឋដែលមានការខ្វះខាតដីអាស្រ័យផលនៅចំនួនផ្ទៃដីសរុប៤៧៦ ហិចតាដែលមានចំនួន៧៨គ្រួសារ ដោយមួយគ្រួសារៗទទួលបាន៦ហិចតាជាង។
#ប្រជាពលរដ្ឋបានបន្តទៀតថា ពួកគាត់ទាំង ៧៨ គ្រួសារទទួលបានដីតែ១.៥ហិចតា ដោយអាជ្ញាធរខេត្ត.ស្រុក.ឃុំភូមិ.ប្រកាសថាទុកដីចំនួន៣៥៩ហិចតាចែកជូនប្រជាពលរដ្ឋជាង ២០០គ្រួសារបន្តទៀតដែលមានការខ្វះខាតដីអាស្រ័យផល។
#ប្រភពពីប្រជាពលរដ្ឋដដែលបានរៀបរាប់បន្តថា ចាប់តាំងពីមន្ត្រីអាជ្ញាធរសន្យាថាទុកដីចំនួន៣៥៩ ហិចតាទុកសម្រាប់ចែកជូនប្រជាពលរដ្ឋជាង២០០គ្រួសារបន្តទៀតនៅពេលក្រោយនោះ។ រហូតមកដល់ពេលនេះមានរយៈពេល ជាង១៥ ឆ្នាំហើយគឺពុំបានទទួលនូវដីដែលត្រៀមទុកចែកជូនប្រជាពលរដ្ឋនោះទេពោលគឺដីចំនួន៣៥៩ហិចតាត្រូវបាត់ស្ងាត់សូន្យឈឹង។ ប្រជាពលរដ្ឌគ្រាន់តែដឹងថាមានបុគ្គលឈ្មោះយិន សុភាបានប្រើប្រាស់កាន់កាប់ដីនៅក្នុងតំបន់ដែលត្រូវចែកជូនប្រជាពលរដ្ឋនោះ ហើយឈូសឆាយធ្វើការដាំកៅស៊ូរហូតមកដល់បច្ចុប្បន្ននេះមានរាប់រយហិចតា។
#ប្រជាពលរដ្ឋលោកបានលើកឡើងបន្តថាលោកយិន សុភា ពីមុនគឺជាអ្នកតំណាងប្រជាពលរដ្ឋ ៧៨គ្រួសារកាលពីអតីតកាលកន្លងមកតែបច្ចុប្បន្នគឺជាមេព្រៃបណ្ដែត។
#លោកយិន សុភា បានប្រាប់មកក្រុមការងាររក្សាព័ត៌មានយើងកាលពីព្រឹកថ្ងៃទី១៣ ខែកុម្ភៈឆ្នាំ២០២៣ នេះថា លោកពុំបានដឹងទេក្នុងការបែងចែកដីទាំងអស់នេះបើចង់ដឹងសូមស៊ូទៅថ្នាក់ខេត្តទៅ។
#លោក មេភូមិ ត្រពាំងស្មាច់ បានឱ្យដឹងថាពិតជាមានការបាត់ដីដែលរាជរដ្ឋាភិបាលប្រគល់ឲ្យចែកជូនប្រជាពលរដ្ឋក្នុងភូមិរបស់លោកនិងភូមិផ្សេងទៀតពិតមែន ហើយលោកបានប្រាប់ថាកាលនោះខាងគណៈកម្មការខេត្តលោកបានប្រាប់ថាមិនវាស់ដីអោយទេព្រោះដីនេះជាដីព្រៃរបស់រដ្ឋ លោកមេភូមិលោកបានបន្តបន្ថែមថាក្រោយមកស្រាប់តែឃើញបុគ្គល យិន សុភា ប្រើប្រាស់គ្រឿងចាក់ឈូសឆាយដីនេះដាំកៅស៊ូពេញដីនេះតែម្ដង លោកមេភូមិត្រពាំងស្មាច់ សូមអំពាវនាវដល់ថ្នាក់លើសូមមេត្តាជួយវែកមុខនឹងរកដីដែលបាត់នេះចែកជូនប្រជាពលរដ្ឋពួកគាត់ឡើងវិញផង។
លោកស្រីមេឃុំអណ្ដូងត្របែក លោកស្រីបានប្រាប់ថាក្នុងរឿងរ៉ាវដីធ្លីដែលរាជរដ្ឋាភិបាលចែកជូនប្រគល់ឱ្យប្រជាពលរដ្ឋ៧៨គ្រួសារនោះលោកស្រីមិនបានដឹងច្បាស់ទេព្រោះថាលោកស្រីទើបតែចូលកាន់តំណែងជាមេឃុំនៅក្នុងអាណត្តិនេះ។
#ប្រជាពលរដ្ឋចំនួន៣៣១គ្រួសារ រស់នៅ៤ភូមិ នៅក្នុងឃុំ ត្រស់ និងឃុំអណ្ដូងត្របែក ស្រុករមាសហែកខេត្តស្វាយរៀង សូមអំពាវនាទៅដល់អាជ្ញាធរពាក់ព័ន្ធនិងជាពិសេសគឺសម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាសូមមេត្តាជួយដល់ប្រជាពលរដ្ឋពួកគាត់ទាំងអស់នេះផង។(វគ្គ១