ថ្ងៃពុធ ទី២៤ ខែកក្កដា ឆ្នាំ២០៥០
គេហទំព័រ រស្មីសៀមរាប ផ្សព្វផ្សាយព័ត៌មានពិតជូនលោកអ្នក!
ដីបម្រុងទុក្ខ និងដីអណ្ដូងទឹករបស់អង្គការ NPAទុកជាសម្បត្តិសាធារណៈរបស់រដ្ឋ នៅភូមិប្រជាធម្ម ក្រុងប៉ោយប៉ែតត្រូវបានអាជ្ញាធរយកលក់និងចែក គ្នាអស់រលីង
Thu,15 February 2024 (Time 10:18 AM)
ដោយ ៖ រស្មីសៀមរាប (ចំនួនអ្នកអាន: 242នាក់)

ខេត្តបន្ទាយមានជ័យ ៖ ប្រជាពលរដ្ឋរស់នៅក្រុងប៉ោយប៉ែត សម្ដែងការហួសចិត្ដជាខ្លាំង និងបានសំណូមពរទៅដល់សម្ដេចមហាបវរធិបតី ហ៊ុន ម៉ា
ណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្ដមអភិសន្តិបណ្ឌិត ស សុខា រដ្ឋមន្ត្រីក្រសួងមហាផ្ទៃ និងឯកឧត្ដម សាយ សំអាង រដ្ឋមន្ត្រីក្រសួងរៀបចំដែនដី សូមជួយដាក់អធិការកិច្ច ស្រាវជ្រាវ ស៊ើបអង្កេតផងទាន រឿងលក់ដីបម្រុងរបស់រដ្ឋ ស្ថិតនៅមណ្ឌល៧ និងមណ្ឌល៨ ទល់មុខមណ្ឌល៩ និងមណ្ឌល១០ និងដីអណ្ដូងទឹក នៅក្នុងមណ្ឌល៦ ក្នុងភូមិប្រជាធម្ម សង្កាត់អូរឬស្សី ក្រុងប៉ោយប៉ែត ខេត្តបន្ទាយមានជ័យ កំពុងត្រូវបានអាជ្ញាធរ និងអ្នកមានអំណាចមួយចំនួន នៅក្រុងប៉ោយប៉ែត ចែកគ្នា និងលក់គ្មានសល់។

ប្រជាពលរដ្ឋរស់នៅភូមិប្រជាធម្ម បានសម្ដែងការហួសចិត្ត ក្រោយឃើញដីបម្រុងទុក របស់អង្កការ NPA រក្សាទុកជាសម្បត្តិសាធារណៈរបស់រដ្ឋ ក្រោយអង្កការខាងលើនេះ ចប់អាណត្តិរបស់ខ្លួន ប្រគល់សិទ្ធិគ្រប់គ្រង អោយទៅអាជ្ញាធរវិញ។ ពេលនេះ ម៉ោងនេះ ទាំងដីអណ្ដូងទឹក ក៏ត្រូវបានអាជ្ញាធរលក់។ អណ្ដូងទឹកដែលប្រជាពលរដ្ឋ ធ្លាប់ប្រើប្រាស់ជាច្រើនឆ្នាំ តកូនតចៅ កេរ្ដិ៍ ដំណែលរបស់អង្គការ NPA ក៏ត្រូវបានវាយកម្ទេចចោលបំបាត់ភស្តុតាង ទីតាំងត្រូវបានសាងសង់អាគារសំណង់រឹង។ ដោយឡែកដីបម្រុងទុកនៅក្នុងមណ្ឌល៧ និងមណ្ឌល៨ នៅទល់មុខមណ្ឌល៩ និងមណ្ឌល១០ ត្រូវបានចាក់ដីលុបឈូសឆាយយ៉ាងស្អាត ដែលល្បីថា មានការលក់ទិញ កាន់កាប់ជាកម្មសិទ្ធិឯកជនអស់ទៅហើយ។

រហូតមកដល់ពេលនេះ មហាជនកំពុងតែមានការងឿងឆ្ងល់មិនដឹងថា អស់លោកណាម្នាក់ ជាអ្នកលក់ដីបម្រុងទុករបស់រដ្ឋ ដែលអង្គការ NPA បានបន្សល់ទុក និងមិនដឹងថា នរណាជាអ្នកទិញ ហើយនរណាជាអ្នកលក់ និងនរណាជាអ្នកកាត់ប្លង់លក់ទិញផ្ទេរកម្មសិទ្ធិនោះទេ?។

ករណីនេះ មានតែប្រមុខរាជរដ្ឋាភិបាល និងរដ្ឋមន្ត្រីក្រសួងមហាផ្ទៃ ក៏ដូចជាក្រសួងរៀបចំដែនដី នគរូបនីយកម្ម និងសំណង់ ដែលអាចដាក់អធិការកិច្ច ធ្វើការស្រាវជ្រាវស៊ើបសង្កេត ទើបដឹងច្បាស់ថា អ្នកណាជាអ្នកលក់ អ្នកណាជាអ្នកទិញ និងអ្នកណាជាអ្នកចេញប័ណ្ណពិតប្រាកដ។

ដើម្បីធានាបាននូវការរក្សារការពារ ទ្រព្យសម្បត្តិសាធារណ:របស់រដ្ឋ សូមសម្ដេចធិបតី ហ៊ុន ម៉ាណែត នាយករដ្ឋមន្ត្រី និងឯកឧត្ដម ស សុខា រដ្ឋមន្ត្រីក្រសួង មហាផ្ទៃ និងឯកឧត្ដមសាយ សំអាល់ រដ្ឋមន្ត្រីក្រសួងរៀបចំដែនដី មេត្តាដាក់មន្ត្រី ស្រាវជ្រាវស៊ើបអង្កេតផងទាន។

ជុំវិញករណីខាងលើ លោក ប៉ាន សេរី ចៅសង្កាត់អូរឬស្សី បានអោយដឹងតាមទូរស័ព្ទ នៅថ្ងៃទី១៤ ខែកុម្ភៈ ឆ្នាំ២០២៤ នេះថា លោកមិនបានដឹងរឿងអីទេ ព្រោះលោកទើបឡើងមកក្រោយ លោកក៏បានបន្តខ្សែទូរស័ព្ទរបស់លោក អោយទៅចៅសង្កាត់រងម្នាក់ធ្វើការបកស្រាយ ដោយអះអាងថា ដីខាងលើនេះ មិនមែនជាដីបំរុងទុករបស់រដ្ឋទេ គឺជាដីគោលរបបរបស់អាជ្ញាធរ ដែលមានកម្មសិទ្ធិម្ចាស់រៀងៗខ្លួនទាំងអស់ ៕

ព័ត៌មានគួរចាប់អារម្មណ៍

សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ ២០២៤របស់អាជ្ញាធរជាតិប្រយុទ្ធប្រឆាំងគ្រឿងញៀននិងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ (រស្មីសៀមរាប)

ព័ត៌មានគួរចាប់អារម្មណ៍

តើយុត្តិធម៌មានសម្រាប់ប្រជាពលរដ្ឋទន់ខ្សោយ ស្លូតត្រង់ដែរឬទេ? ឬក៏មានសម្រាប់តែក្រុមបក្សពួកអ្នកមានអំណាចនិងមានលុយ? (រស្មីសៀមរាប)

ព័ត៌មានគួរចាប់អារម្មណ៍

ល្បែងស៊ីសងបញ្ចូលមាន់និងបៀរការ៉ាត់ជ្រកក្រោមស្លាកយីហោយៀក ថៃកំពុងបើកលេងយ៉ាងពេញបន្ទប់នៅក្នុងសង្កាត់ទន្លេបាសាក់មន្ត្រីមានសមត្ថកិច្ចក្នុងខណ្ឌចំការមន ហាក់សំងំស្ងៀមមិនមានការបង្ក្រាប ផ្គើននិងបទបញ្ជារបស់សម្ដេចតេជោហ៊ុន សែន សង្ស័យជាបានទទួលលាភសក្ការៈពីរដង្ខៅបនល្បែងស៊ីសងខុសច្បាប់នេះហើយមើលទៅ (ស្មីសៀមរាប 090567006)

ព័ត៌មានគួរចាប់អារម្មណ៍

ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)

ព័ត៌មានគួរចាប់អារម្មណ៍

ល្បែងស៊ីសងបញ្ចូល់មាន់និងបៀរការ៉ាត់ជ្រកក្រោមស្លាកយៀក ថៃ របស់ឈ្មោះ រតនា នៅសង្កាត់ទន្លេបាសាក់ខណ្ឌចំការមនបើកលេងយ៉ាងរលូន មន្រ្តីមានសមត្ថកិច្ចនៃអធិការដ្ឋាននគរបាលខណ្ឌចំការមនរក្សាភាពស្ងៀមស្ងាត់មិនធ្វើការបង្ក្រាប សង្ស័យជាត្រូវថ្នាំសណ្ដំហើយមើលទៅ! (ស្មីសៀមរាប 090567006)

វីដែអូ

ចំនួនអ្នកទស្សនា

ថ្ងៃនេះ :
244 នាក់
ម្សិលមិញ :
359 នាក់
សប្តាហ៍នេះ :
1894 នាក់
ខែនេះ :
11318 នាក់
3 ខែនេះ :
26725 នាក់
សរុប :
658067 នាក់